(ကဗျာစာအုပ်အစအဆုံး) တင်ပေးလိုက်ပါတယ်။
(အမှာစာ)
အမေပြောခဲ့တာတွေ
(ခင်ဇော်မြင့်)
( ၁၉၄၀-၅၀)
ဒုတိယကမ္ဘာစစ်ကြီးဖြစ်သတဲ့။ အင်္ဂလိပ်တွေအ၀င်ဂျပန်တွေပြန်လည် ဆုတ်ခွာချိန်မှာမြို့ ရဲ့ မြောက်ဘက်`ကပိုင်´ဆိုတဲ့  ရွာကလေးဆီတစ်မိသားစုလုံးစစ်ပြေးခဲ့ရသတဲ့။ ရွာဦးကျောင်းမှာလည်းအမေတို့ လိုစစ်ပြေးသူ(ဒုက္ခသည်)တွေနဲ့ ပြည့် နေသတဲ့။
ကျွဲညီညောင်နောင်တွေအချိန်ပြည့် နီးပါး ပျံဝဲနေလို့ ဗုံးခိုကျင်းတွေထဲမှာ ထမင်းစားရသတဲ့။ စစ်အတွင်းမှာရောဂါတွေကလည်း
ထူပြောသတဲ့။အမေ့မောင်တစ်ယောက်လည်းကျောက်ရောဂါနဲ့ ဆုံသွားသတဲ့။ ကပိုင်ရွာကလေးမှာပဲဖြစ်သလိုသင်္ဂြိုဟ်ရသတဲ့။
စစ်ကြီးပြီးသလောက်ရှိတော့ မှမြို့ ကိုပြန်ကြသတဲ့။
(၁၉၅၀-၆၀)
အဲဒီခေတ်ကမိန်းကလေးဆိုတာအတန်းပညာ သိပ်တတ်စရာမလိုဘူးတဲ့။အရောင်းအ၀ယ်လုပ်တတ်ဖို့ ပဲ အရေးကြီးသတဲ့။ အဲဒါနဲ့ ငယ်ငယ်ရွယ်ရွယ်(၁၄)နှစ်သမီးမှာပဲဈေးချိုသူဖြစ်သတဲ့ ။
ရုံတိုင်းရုံတိုင်းတန်ဆောင်တိုင်ဆို စစ်ကိုင်းတောင်မှာကထိန်တွေအပြိုင်ခင်းကြသတဲ့။ တောင်ရိုးတစ်ခုလုံးမီးရောင်တထိန်ထိန်နဲ့ 
အတီးအမှုတ်အကအခုန်တွေနဲ့ ပျော်စရာအလွန်ကောင်းသတဲ့။သင်္ကြန်ဆိုအဲဒီခေတ်ကရုပ်ရှင်မင်းသားဝင်းဦးကမြို့ မအလှပြ
ယာဉ်နဲ့ ဖျော်ဖြေသတဲ့။အမေက`မေစပယ်´အကမဏ္ဍပ်မှာစတားဖြစ်သတဲ့။ ဈေးချိုသူမဏ္ဍပ်ဆိုတာမရှိသေးဘူးတဲ့။
အမေကအဲဒီအချိန် တိုင်းရင်းမေ၊ ချိုတေးသံအစရှိတဲ့ ဂျာနယ်တွေမှာကဗျာလည်းရေးနေပြီတဲ့။ ကဗျာလာတောင်းရင်
ဈေးချိုသူဆိုင်ကလေးပေါ်မှာပဲတစ်ခါထဲရေးပေးလိုက်သတဲ့။
(၁၉၆၀-၇၀)
ကျွန်တော့် အကိုနဲ့ အမတွေကိုအခုကျွန်တော်တို့ နေတဲ့ အိမ်ကလေးမှာပဲ သူ့ ယောက္ခမကျွန်တော့်အဖွား သူနာပြုဆရာမကြီး ကိုယ်တိုင်မွေးပေးခဲ့သတဲ့။ အဆင်မပြေချိန်လမ်းဘေးမှာ ကလေးတွေကိုဖြစ်သလိုသိပ်ပြီးဆန်လည်းရောင်းခဲ့ဖူးသတဲ့ ။
(၁၉၇၀-၈၀)
ကျွန်တော့် အလှည့် ကျတော့ ဆေးရုံမှာမွေးသတဲ့ ။ သင်္ချိုင်းကိုမျက်စောင်းခဏခဏထိုးရသတဲ့ ။ဆင်ရေမြွှာနဲ့ အချင်းကျသတဲ့ ။ အဲဒါကြောင့် ကျွန်တော်ကကြီးကျယ်တာတဲ့ ။ ကျွန်တော်မွေးပြီးအရောင်းအ၀ယ်ကလည်း တစ်အားကောင်းသတဲ့။
ရန်ကုန်ကို တစ်လသုံးကြိမ်လောက် ဆင်းရသတဲ့။ ကျွန်တော်ကို ကျောက်တိုင်တံဆိပ်ကော်ဖီမှုန့်တွေ နို့ဆီဘူးတွေနဲ့ သူ့အမေ
ကျွန်တော့် အဖွားကို အပ်ခဲ့ရသတဲ့။ ကျွန်တော်တို့ မောင်နှမလေးယောက်ကို အိမ်ရှေ့မှာ မဏ္ဍပ်ကြီးထိုးပြီး အကြီးအကျယ် လှူသတဲ့။ ကျွန်တော်က ကတုံး အတုံးမခံဘဲ ကိုရင် ၀တ်သတဲ့။ နို့ဘူးကြီး စို့လျက်တဲ့။
(၁၉၈၀-၉၀)
အမေက ခရီးတွေသွားရတာကိုလည်း ၀ါသနာပါသတဲ့။ ဘုရားဖူးရတာ အမြတ်ပဲလို့ တွက်ပြီး အပင်ပန်းခံ၊ နယ်ဘုရားပွဲတွေကို ဈေးလိုက်ရောင်းသတဲ့။ ပုဂံရွှေစည်းခုံ ဘုရား၊ အာနန္ဒာဘုရား ထီးတင်ပွဲ၊ မြစ်သားပွဲ၊ ကောင်းမှုတော်၊ ဆားတောင်၊ ရွှေစာရံ၊ တောင်ပြုံး အစရှိသဖြင့် ဆယ့်နှစ်ပွဲဈေးသည် အစစ်ကြီးတော့မဟုတ်၊ ခြောက်ပွဲဈေးသည်ကြီးပေါ့၊ အဲဒီလိုဖြတ်သန်း အဲသလို အတွေ့အကြုံတွေလည်း စုံခဲ့သတဲ့။ ဘုရားပွဲတွေမှာ အမေ ရောင်းခဲ့တာတွေကတော့ အဲဒီခေတ်က တောသူတောင်သားတွေအကြိုက် ဆွယ်တာရောင်စုံလေးတွေ၊ တဘက်လေးတွေ၊ ပုဆိုးလေးတွေပေါ့။
၁၉၈၁ ခုနှစ် မန္တလေးမြို့ရဲ့ ရေကြည်ရပ် မီးကြီးလောင်တော့ အမေ့အိမ်၊ အဖေ့အိမ်၊ အမျိုးတွေအိမ် အားလုံး မီးထဲ ပါသွားသတဲ့။ အားလုံးကစဉ်ကလျား၊ အားလုံးအပြေးအလွှား၊ တစ်ဦးကိုတစ်ဦး ပြန့်လှည့်မကြည့်နိုင်တဲ့ နှစ်ကာလတွေ ဖြစ်သတဲ့။ အမေက သင်္ကြန်ဆို ပလတ်စတစ်သင်္ကြန် ပန်းကုံးတွေကို ကိုယ်တိုင်သီကုံးပြီးရောင်းသတဲ့။ နောက်ဆက်တွဲ နှစ်ကာလတွေကတော့ ကျွန်တော်နဲ့တကွ အားလုံး တော်တော်များများ သိပြီးသား အဖြစ်အပျက်တွေပေါ့။ ရှစ်လေးလုံးအရေးအခင်းကြီးဖြစ်ခဲ့။ မန္တလေးရဲ့ အထင်ကရ ဈေးချိုကြီးကို အဆင့်မြင့် ဈေးကြီးတည်ဆောက်မယ့် စီမံကိန်း စတင်ခဲ့။
(၁၉၉၀-၂၀၀၀)
အမေက သူ့ချွေးနဲစာလေးနဲ့ စုပြီးဝယ်ထားတဲ့ တောင်ပြုံးရွာကလေးက အိမ်ကလေးမှာပဲ ပျော်သတဲ့။ မန္တလေးနဲ့ တောင်ပြုံး ကူးချည် သန်းချည်ပေါ့။
(၂၀၀၀-၂၀၁၀)
ပထမအကြိမ် မန္တလာဆေးရုံ၊ ဒုတိယအကြိမ် မန္တလာဆေးရုံ နဲ့ ဆေးခန်း။ အမေ့ရဲ့ ရွှေတစ်နေ့ ငွေတစ်နေ့ နှစ်တွေ ရောက်လာပေါ့။ အမေက သူ့ဘ၀မှာတတ်နိုင်သလောက် မနက်တိုင်း ဆွမ်းလောင်းခဲ့။ တနင်္ဂနွေ နေ့တိုင်းမှာ သက်သက်လွတ်စားခဲ့၊ ဥပုသ်နေ့တိုင်း ဥပုသ်စောင့်ခဲ့၊ ၀ါဆို သင်္ကန်းတွေကပ်ခဲ့၊ မိုးပေါ်ကျ ကထိန်တွေ ခင်းခဲ့၊ အဲဒါကြောင့် သေရမှာကိုကြောက်ပေမယ့် မကြောက်ခဲ့။ ခန္မာရှိရင် ဝေဒနာရှိမှာပေါ့။ အမေ ဟန်ဆောင်ခဲ့သလို မိသားစုဝင်တွေအားလုံး ဟန်ဆောင်နေကြတာကို အမေ သိသတဲ့။
(၂၀၁၀-၂၀၁၁)
၂၀၁၁ ဖေဖော်ဝါရီ (၉) ရက် တတိယအကြိမ် မန္တလာဆေးရုံ၊ ကျွန်တော်ရဲ့ ပြဿနာတွေကို သွေးအေးအေး နဲ့ ဖြေရှင်းပေးခဲ့တဲ့ အမေဟာ ဖေဖော်ဝါရီ (၁၆) ရက် ညနေ (၅) နာရီမှာ အိမ်ကို ပြန်လာခဲ့ပါတယ်။
အသက်တော့ မပါတော့ပါဘူး။
(၂၀၁၄)
ဒီကဗျာတွေက မဂ္ဂဇင်းတစ်အုပ်မှာ ဖော်ပြခံရပြီဆို လူစုံချိန် တစ်အိပ်လုံးကြားအောင် “ ခင်ဇော်မြင့်”လို့ အမေရွတ်ခဲ့တဲ့ကဗျာတွေပါ ။
ဒီကဗျာတွေဟာ အဟောင်းစက်စက်လေးတွေပါ ။ရနံ့ဟောင်းလးတွေပါ ။စားကျက်မြေအဟောင်းတွေပါ ။အသစ်တစ်ဖန်ပြန်လည် စိမ်းလန်းလာမလားလို့ ။
ကဗျာနဲ့ ပက်သတ်ရင် ကျွန်တော့်မှာလည်း သွေးချည်းအမြဲဥပါကြောင်း ကျွန်တော့်မှာလည်း ပုလင်းကွဲအမြဲရှပါကြောင်း အကြောင်းကြောင်း အကြောင်းကြောင်းတွေ များစွာဖြင့် …။ ။
ခင်ဇော်မြင့်
ဒီကမ္ဘာနဲ့ ဇီဇ၀ါ
--------------------
ဒီကမ္ဘာမှာ မနေလို့
ဘယ်ကမ္ဘာမှာ သွားနေရမလဲ
ဒီအသက်အရွယ်ရောက်ခဲ့
ဒီဆံပင်ဖြူခဲ့
ဒီမျက်ရည်ပူခဲ့
ဒီကျီးမည်းပြီး နောက်ထပ်ကျီးမည်းများ
ဒီကမ္ဘာမှာ ဇီဇ၀ါပင်တွေ ရှိတယ်
ဇီဇ၀ါပင်တွေက ကြွေလည်း မသေတဲ့ကဗျာကို ရေးကြတယ်။
ခင်ဇော်မြင့်
------------------------------------------------------------
(ငါး)
-----------
ဒီဘ၀အပြင်
ဘယ်ဘ၀ကပိုကောင်းဦးမလဲ ။
မရွေ့မလျား
ငါတို့ငြိမ်သက်နေတာ ငါတို့ကူးခတ်ခြင်း ။
အပြေးအလွှား
ငါတို့ကူးခတ်နေတာ ငါတို့ပျံသန်းခြင်း ။
စိတ်ကိုလျှော့လည်း
ကိုယ်ကပေါ့မသွား ။
တကယ်တမ်း
ရေကိုထမ်းထားရသောပွင့်ချပ်ကတစ်ဖတ်တည်း ။ ။
ခင်ဇော်မြင့်
Sept 2003၊ မြားနတ်မောင်
--------------------------------------------------------
ခရု
-------------
နေ့ စဉ်ညစဉ်
ဒီတက်သလိုတက်ခဲ့
ဒီဆင်းသလိုဆင်းခဲ့ .။
အောင်မြင်ရင်
သောင်ပြင်မှာဂ္ဈမ်းထိုးမယ် ။
ရှုံးနိမ့်ရင်
အုန်းပင်တွေဟာတရားခံပဲ ။
ကမ္ဘာကြီးအညောင်းအညာပြေဖို့ 
က္ဈန်တော်လမ်းလျှောက်ထွက်လာပါပြီ ။ ။
ခင်ဇော်မြင့်
-------------------------------------------------
(တစ်ကိုယ်တော်ကဗျာ)
ပုဝါအနီက
နွားရိုင်းကိုစတယ်..။
အိပ်မက်ကိုနှစ်ပိုင်းခွဲပြီးမက်နေရတာ
ညနေခင်း
ဘ၀
ဒေါနပန်း
အဲဒါနဲ့ 
ကဗျာဆရာက
ရေကိုမြိုတယ်
ဝတ်လာတဲ့ တီရှပ်က
ရီရဲလ်မက်ဒရစ်ကဖေး...။
တပို့ တွဲလမှာဆူးပန်းတွေပွင့် တယ်
ရယ်စရာတွေကညမှာအသံမြည်တယ်
လှည်းဘီးကိုအဆန်းတကြယ်လုပ်နေတဲ့ 
ချစ်မေတ္တာပဲ
ပြန်ကွေ့ လာတဲ့ လေယာဉ်ပျံပဲ...
----------------------------------------
(နေကြာ)
နေ၀င်သွားတယ်
ကောင်းကင်နဲ့မြေသားကြား
နေ့တစ်နေ့ရဲ့အဖြစ်မှာအော်ခေါ်သံ
ဒီရိုးတံ
အခါခါကြောက်ရွံ့ထိတ်လန့်တုန်လှုပ်
ထင်ရာမြင်ရာသဲသဲလှုပ်လှုပ်
အခြောက်တိုက်
အမှောင်ကြားကမ္ဘာကိုအားနာအခိုက်အတန့်
ရွပ်ရွပ်ချွံချွံ
တစ်ကိုယ်ရေမအောင်မြင်မှုတွေဟာ
အသံမမြည်ပဲထွက်သွားတဲ့တိမ်တွေပေါ့
ကျွန်တော့်ကိုယ်ကျွန်တော်မေ့လို့အိပ်စက်လိုက်တယ်
အဲဒါလည်း
နာမည်ဝှက်နဲ့ပေါ့ ။
ခင်ဇော်မြင့်
ရုပ်ရှင်သစ္စာ
-----------------------------------------------------------------
လောက်လန်းများ
------------------
ဤသို့ဖြင့်
ပြောမနာဆိုမနာ
ဤသို့ဖြင့်
ဆဲမနာဆိုမနာ
ဤသို့ဖြင့်
မလူးသာမလွန့်သာ
ဤသို့ဖြင့် ရင်းနှီးပွင့်လင်းစွာ ချစ်လာကြ
ပထမ
အဝတ်အစားများအားလုံး ချွတ်၍ စစ်ဆေးခံရ
သွားများကို ချွတ်၍ စစ်ဆေးခံရ
ခန္ဓာကိုယ် မွှေးညင်းများပါမကျန် စစ်ဆေးခံရ
နောက်
ဒွါရ ကိုးပေါက်စလုံး စစ်ဆေးခံရ
ဤသို့ဖြင့်
တစ်ကိုယ်နဲ့ တစ်ကိုယ် မမြင်ရ
သူတို့သည် ရင်းနှီးပွင့်လင်းစွာ ချစ်လာကြ၏။
(တရားစာအုပ်တစ်အုပ်ထဲမှ စာသားများ ဖြစ်ပါသည်။)
-----------------------------------------------------------------
အသေးအဖွဲများ
----------------------
မျက်ရည်ယိုဖွယ် ကဏ္ဍတွေ သွေးမစုပ်နိုင်သ၍ မိုက်လုံးကြီး
ရေဖျဉ်းသမားတွေ မီးအားကောင်းတဲ့နေ့ဟာ ဒီနေ့ပါ
မိုးက ဘာလို့ စောစောရွာတာလဲ။
ခလုတ်တိုက်မိခဲ့တာတွေ ပြန်စဉ်းစားကြည့်ရအောင် အချည်းနှီး
မျက်မမြင်တွေ လမ်းထွက်လျှောက်မယ့်နေ့ဟာ ဒီနေ့ပါ
နေက ဘာလို့ စောစောကွယ်တာလဲ။
ဝါးဂွမ်းလို လူတွေ
လူလို အရက်ပျံတွေ
အရက်ပျံလို အိမ်နံပါတ်တွေ
ဆက်စပ်မှုမှန်သမျှ အပြောရ အသိရ ခက်တယ်။
ဥပမာ-
တိမ်တွေ အသေအပျောက်များတဲ့နေ့ဟာ ဒီနေ့ပါ။
ဥပမာ-
စက္ကူပန်းပင်ကလေးသာ ပွင့်ပြနိုင်ရှာတဲ့ အိမ်ကလေးက
အနီရောင်ပါ ။ ။
ခင်ဇော်မြင့်
---------------------------------------------------------
(တံခါးရွက်နှစ်ခု )
---------------
တံခါးရွက်နှစ်ခုဟာ
အလုပ်ရှုပ်တယ်။
သေတဲ့လူ သေတယ်
ရူးတဲ့လူ ရူးတယ်။
အမှန်တကယ်
တံခါးရွက်နှစ်ခုဟာ
အလုပ်ရှုပ်တယ်။
မပြောသင့်သောစကားကို ပြောနေဆဲ
ပြောသင့်သောစကားကို မေ့နေဆဲ
ငါ့အရိပ်လည်း သမံတလင်းမှာ ငြိနေဆဲ။
စိတ်မောစရာ
ငါခြေတင်ထားတဲ့ခုံက မငြိမ်ဘူး
ငါလက်တင်ထားတဲ့ပခုံးက မငြိမ်ဘူး
ငါ့အနားမှာ
ဘ၀ကို ပြောင်းပြန်လွမ်းတဲ့ လေချွန်သံ။
တံခါးရွက်နှစ်ခုနဲ့ ပတ်သက်လို့တော့
ကျွန်တော့်မှာ မူရင်းမရှိဘူး။ ။
ခင်ဇော်မြင့်
---------------------------------------------------------
(မျက်နှာကျက်)
-------------
ငါ အပေါ်ကိုမော့ကြည့်တယ်
မျက်နှာကြက်က ငုံ့ကြည့်တယ် ။
ငါ အိပ်တယ်
မျက်နှာကြက်က မအိပ်ဘူး ။
ငါ တစ်ရေးနိုးတယ်
မျက်နှာကြက်က သင်္ချာတွက်နေတယ် ။
ငါ အိမ်အောက် ရေဆင်းသောက်တယ်
မျက်နှာကြက်က လှေကားရင်းထိလိုက်ပို့တယ် ။
ငါ နောက်ဖေးတံခါးကို ဖွင့်တယ်
ပန်းရနံ့ တစ်ခုခုရတယ် ။
အဓိပ္ပါယ်ရှိရှိ
အူနေသော ခွေးကိုအပြစ်ဆိုစရာမရှိ ။
ငါ လှေကားအတိုင်း ပြန်တတ်လာတယ်
မျက်နှာကြက် မရှိတော့ဘူး ။ ။
ခင်ဇော်မြင့်
သောင်းပြောင်းထွေလာ
ကြယ်ပျံ
------------------
ဘယ်ကိုပျောက်နေတာလဲဆို
မိုးပေါ်တက်ကပ်နေတာလို့ပဲပြောရဦးမယ် ။
ကမ္ဘာက
ငါ့ကိုမီးခလုတ်တစ်ခုလိုကြော်ငြာတယ် ။
ဒီလောကရဲ့ စိတ်ဒုက္ခများ
ဒီလောကရဲ့အနှစ်သာရများ
ရေသောက်မြစ်များ ။
မေ့နေတယ်
ငါလည်း
ငယ်ငယ်ကနံရံကိုခြေထောက်နဲ့ကန်
တစ်ပတ်ကျွမ်းပစ်ခဲ့တဲ့ဓားခုတ်ကောင်ပဲ ။
အခုတော့
တိမ်တောက်သလိုငါအမြင်မှန်ရခဲ့ ။
အဲဒါ
စက္ကူပင်ပေါ်ခဏတဖြုတ်တင်နေတဲ့
အရိပ်အယောင်တစ်ခုဆီကပါ...... ။ ။
ခင်ဇော်မြင့်
Feb 2000 ရုပ်ရှင်တေးက
ကျုံး
----------------------------
ကြာရွက်ကလေးတွေလှုပ်တုပ်လှုပ်တုပ်နဲ့ 
ရင်ထဲကိုကုက္ကိုရိပ်တွေေ၇ာက်မလာတော့ တာကလွဲပြီး
တစ်ချိန်ကလိုပဲ
မြို့ ရဲ့ ဗန်းစကားက
ပိန်းကြာရွက်ပေါ်ရေမတင်ဘူးဆိုတယ် ။
ပျံလွှားတို့ လောကအပေါ်ရှပ်တိုက်ပျံလွှားကြ
ရေကြက်တို့ လောကထဲ ထဲထဲဝင်ဝင်လေ့လာကြ
တစ်ခေတ်ကစစ်မက်ရေးရာတွေကိုပြည်ဖုံးကားချ
ပြည့် ဖုံးကားကိုလဲရွှေပိန်းချ
ဟင်္သာပြဒါးနီနီရဲရဲ
တစ်ချိန်ကလိုပဲ
ပစ္စင်နဲ့ ရင်တားနဲ့ မြို့ ရိုးနဲ့ 
ရနံ့ အသစ်ကြီး ။ ။
ခင်ဇော်မြင့် 
----------------------------------
မွေးနေ့သို့
----------------
အချိန်တိုင်း
မနက်ဖြန်ကို မတွေးတယ်
မခုတ်ဓားလို
ဓားအိမ်ထဲမှာပဲနေ
ငါ့အသက်ကို ဖွက်ထားတယ်။
မွန်းကျပ်မှုနဲ့ အဆုံးသတ်မလား။
နေ
နေစဉ်ခဏ
တရားကိုယ်နဲ့
သဘောင်္တစ်စင်း စုန်လာရင်
ရေကို ကျေးဇူးတင်ရမယ်။
အမည်မသိ (၃)
ခင်ဇော်မြင့်
ကမ်းခြေမှာ
ခြေရာတစ်စုံဟာ လတ်လတ်ဆတ်ဆတ်။
ကိုယ်စိတ်နှလုံးသုံးပါးစလုံး
ညှိုးငယ်တဲ့နေ့ရက်များ
တရွေ့ရွေ့များ။
မနေ့ကထက်
ဒီနေ့ဟာ ပိုခက်လာ။
တမာပင်ထက်က ငှက်ကလေးရဲ့လေချွန်သံ
အသံရောရုပ်ရော ငါမြင်မိကြားမိသလို ရှိသား။
ကမ်းခြေမှာ
ခြေရာဟာ ပုပ်သိုးစပြုပြီ။ ။
----------------------------------------------------------
သလင်းဦးရဲ့ နှစ်များ
----------------------------
သလင်းဦးရဲ့ နှစ်များ
သလင်းဦးရဲ့ နှစ်များဟာ
အပြင်က သော့ပိတ်ထားတဲ့ ဒိုင်ယာရီစာအုပ်တစ်အုပ်လား
အချစ်နဲ့ပက်သတ်တဲ့ စီးကရက်တစ်ပွဲ ရောက်မလာသေးတဲ့ကဖေးဆိုင်လား။
သလင်းဦးရဲ့ နှစ်များ
သလင်းဦးရဲ့ နှစ်များဟာ
သတိရနေတယ်ဆိုတဲ့ အမေ့သံလား
ယာဉ်သုံးတန်ကုန်သုံတန်နဲ့ အိမ်မပြန်လာနိုင်တော့တဲ့ သားလား။
သလင်းဦးရဲ့ နှစ်များ
သလင်းဦးရဲ့ နှစ်များဟာ
ရေအိုင်ထဲ ခုန်ဆင်းသွားတဲ့ ဖားကလေးတစ်ကောင်လား
ခွေးတောက်ပင်ပေါ် တက်ခွေနေတဲ့ မြွေတစ်ကောင်လား။
သလင်းဦးရဲ့ နှစ်များ
သလင်းဦးရဲ့ နှစ်များဟာ ကြာရွက်ပေါ်က ရေစက်များ
သလင်းဦးရဲ့ အတွေးများဟာ ဒီကျောက်ဂူမှာ ထွက်ပေါက်မရှိဘူး
သလင်းဦးရဲ့ နှစ်များမှာ မြစ်က အဲသလို စီးခဲ့တယ်။ ။
ခင်ဇော်မြင့်
---------------------------------------------------
မိုးနည်းရပ်ဝန်း (၂)
-----------------
မိုးတိမ်က
ကိုယ့်ကို ရယ်သွမ်းသွေးတယ်
တစ်ခုသော မွေးနေ့က
ကိုယ့်ဆံပင်ကို နမ်းတယ်
သတင်းအတိအကျ မသိရတဲ့ သတင်းက
ကိုယ့်နှလုံးသားကို အစိုအခြောက်မြှောက်တယ်။
နေမင်းကို သားရေကွင်းနဲ့ ပစ်တဲ့ကလေးလို
သူ့ကိုယ်စား
ဝမ်းနည်းကြောင်း သဝဏ်လွှာပါးပါမယ်။
ခင်ဇော်မြင့်
--------------------------------------------------
အချစ်
စက္ကု အိတ်ထဲ လေအပြည့်မှုတ်
ဖောင်းကနဲ မြည်အောင် ရိုက်ချလိုက်တယ်
ဒါတောင်
သီချင်းတအေးအေးနဲ့ အသံက ထွက်လာသေး
အဲဒါ
ချယ်ရီပင်တစ်ပင်
ဒါမှမဟုတ်
အဓိပါယ်ဖော်ရသိပ်ခက်တဲ့ မျက်နာပေးကလေး
အိမ်မက်မှာ
ခက်ရင်းခွတစ်လက်စိုက်နေတယ်
အဲဒါ
ရေငုတ်သင်္ဘောတစ်စီး
ဒါမှမဟုတ်
ကမ္ဘာက အပြောကျယ်ပါတယ်။
ခင်ဇော်မြင့်
---------------------------------------------
ရေချိုးခြင်း
-----------------
ကိုယ်အနှစ်သက်ဆုံးစီးကရက်မှာ ညောင်ရွက်ပုံကလေး ပါတယ်
ပွဲတစ်ခုဟာ ဖဲကြိုးဖြတ်မှ အထမြောက်တယ်
၉၀-ခုနှစ်တုန်းက ဂျစ်ကားဘောနက်မှာ အဖြူရောင်မြွေလို့ ရေးခဲ့တယ်
ငယ်စဉ်က ထင်သလောက် မကဲ့ရဲ့ခဲ့ရတာ အခု နောင်တ ရ
အောက်မေ့ဖွယ်ရာကို အကျဉ်းရုံးတော့
နေဟာ ဦးခေါင်းပေါ် ရောက်လာ
ရေချိုးမယ်ဆိုရင် ဒီအချိန်ဟာ ရေချိုးလို့ အကောင်းဆုံးပါပဲ
မျက်နာကြက်က အသံတစ်သံ ခုန်ချလာ
ဘယ်လိုနည်းနဲ့ ရေချိုးရင် ကောင်းမလဲ
ကဗျာနဲ့ ရေချိုးခြင်းဟာ မှားလို့မရ သေနိုင်ရဲ့
မေ့ပစ်လိုက်တော့….
ကမ္ဘာကျော်ခဲ့သော ထုံးတမ်းစဉ်လာအချို့မှာ
ရေချိုးဖို့ဆိုတာ ရေရှိရာကို သွားရတယ်
အရိပ်ဟာ တုံ့နှေးလိပ်တစ်ကောင်လို အခန်းထဲက ထွက်လာ
သြော်……
နွေရာသီ..
ရေပိုက်ခေါင်းကို ဖွင့်တော့ ရေမလာသော်ငြား
ရေကန်ထဲမှာ ရေကျန်သေးတယ် ကဗျာတစ်ပုဒ်စာ.။ ။
ခင်ဇော်မြင့်
သွေးအေးလေ့ကျင့်ခန်း
ချိန်းဆိုချက်တွေ လွဲတယ်
လွယ်မယ်ထင်တာတွေ ခက်ပြီး
ခက်မယ်ထင်တာတွေ မလွယ်ဘူး။
ငါ တစ်ယောက်တည်း ထိုင်တယ်
ငါ တစ်ယောက်တည်း ကဗျာရေးတယ်
အတွေးမှာ စံပယ်တွေ ဖွေးနေ ။
ညနေက
ငါ ပိုက်ကျော်ခြင်းခတ်တယ်
တည်လို့မရတာ ငါ ရအောင် တည်တယ်
အဲသလို
ပျော်လို့မရတာ ငါ ရအောင် ပျော်တယ်
ဘာခက်လဲ
လွယ်လွယ်လေးလို့ ငါ ထင်မ
အထင်နဲ့ အမြင်လည်း တခြားစီပဲ။
စိတ်ဆင်းရဲတော့ ကိုယ်လည်း ဆင်းရဲတယ်
နာရီကို ကြည့်လိုက်တော့
လေးနာရီ ထိုးပြီး ငါးနာရီထဲ
ဆိုလည်း
မိုးသောက်ပြီ ။
အဲသလို
ငါမှားပြီ ဆိုတာလည်း ငါအရင် သိပြီ
ကမ္ဘာကို ငါ မငြိုးဘူးဆိုတာလည်း
ငါ့နတ်တွေ သိပြီ ။
အိမ်အပြန်
ဖူးမြင်ရသော
စေတီဖြူဖြူ မီးစိမ်းစိမ်
အေးငြိမ်းခြင်း ။ ။
ခင်ဇော်မြင့်
----------------------------------------------------------------------
ဘိန်းစားနှင့်ကဗျာဆရာ
-----------------------------
နေ့ရှိသ၍
အကြောတင်းလို့
နေ့ရှိသ၍
ယင်းထလို့။
ဒဏ်ရာပေါ် ဒဏ်ရာဆင့်
ငါတို့ အဆင့်တက်လာတယ်။
အသည်းမှာ အနာပေါက်နေတယ်
လက်ဖျံမှာ ကျီးပေါင်းတက်နေတယ်။
တစ်ခါတလေ
အောက်ကို အဆုံးထိ ခုန်ချရတာလည်း
အရသာရှိတယ်။
သေလည်း ပြီးတာပဲ
ပြီးလည်း သေတာပဲ
ချောက်ချောက်ချာား
သွားသောလမ်းက တူပါတယ်။
ခင်ဇော်မြင့်
------------------------------------------------------------
မျဉ်းဖြောင့်တစ်ခုရဲ့ ရနံ့
--------------------------------
အိပ်ပျော်သွားရင် နိဗ္ဗာန်
အိပ်မပျော်သေးရင် ငရဲ
ငါ့ဦးခေါင်းက ပူလောင်မှုကို မင်းရယ်မယ်။
အလကားနေ
ဘယ်သူမှ အဝေးကို ငေးနေမှာ မဟုတ်ဘူး။
ရုတ်တရက်
ငါ့အပေါ်က ဖြတ်သွားတဲ့ နွားပျံလို
အိမ်ပြန်ချင်ပေါ့..။ ။
ခင်ဇော်မြင့်
Feb 2000 ရုပ်ရှင်တေးကဗျာ
--------------------------------------------------------------
ကလောအလွန်
-------------------
မြေနီနီ
မိုးရွာလို့ ဖြူလေမလား ။
ရေထဲလေထဲ
ခိုက်ခိုက်တုန်လည်း
ရင်ထဲမီးနဲ့ 
ထင်းရူးပင်တွေကြံ့ ကြံ့ ခံနေ
ဒို့ ခေတ်ကိုရောက်ရမည်မှာမလွဲပါ
အောင်ပန်းက
လမ်းဟိုတစ်ကွေ့ မှာ..။ ။
ခင်ဇော်မြင့်
No comments:
Post a Comment