ခမ်းနားကြီးကျယ်သောအချစ် အင်းလျားဆောင်မှာနေ၏ ||
-----------------------------------------------------------ဇော်ဇော်အောင်
--------------------
အစကတည်းက စဉ်းစားခဲ့ကြဖို့ကောင်းသည်။သည်လိုတမ်းသာဆိုရင်ဖြင့် ဘယ်သူမှ ဘာမှ ဖြစ်စရာအကြောင်း မရှိပါ။ အေးစက်သော
မြောက်ပြန်လေများသည် တံခါးကို စောစောကပင် ပိတ်ထားပါက အခန်းတွင်းသို့ ဝင်လာစရာအကြောင်းမရှိ။ တံခါးကို ပိတ်သာထားပါ မကြည်ပြာ။မနေ့ကနှင့်သည်နေ့ လေတွေတိုက်ခတ်၏။ထိုလေများ အေးစက်နေ၏။ လေထဲမှာ ဝဲကတော့ပတ်ချာလည်၍ စကားလုံးများ ခုန်ပေါက်မျောလွင့်
နေကြ၏ ။ အတ္တစွဲကြီးသူများသည် သူတို့တီထွင်သည်ဆိုသော စကားလုံးများတွင် မှတ်ပုံတင်သောတံဆိပ်စာရွက်များ ချိတ်ဆွဲထားကြ၏။လေထဲမှာ လွင့်မျောရင်း စကားလုံးများအချင်းချင်း
တိုးဝှေ့ တိုက်ခတ်မိကြသည်။ငါ ဟူသော တံဆိပ်စာရွက်များ စုတ်ပြဲပြုတ်ထွက် ကုန်သောအခါကျိုးကြေနေသော စကားလုံး အပဲ့အရွဲ့များကျန်ရစ်သည်။ ဘာသာစကားကိုအများပိုင်သည်။မကြည်ပြာဟူသောစာသုံးလုံးကို
ဇော်ဇော်အောင်ပိုင်ကြောင်း သက်သေပြရန် လိုအပ်ပါက
မိုးရွာသောနေ့တစ်နေ့ ၊ ပိတောက်ပင်တစ်ပင် ၊သုံးဆယ့်တစ်လမ်းထဲက တိုက်ခန်းတစ်ခန်း ၊ပျက်ပြယ်သွားသော ကတိစကား၊ အင်းလျား
ကန်ဘောင်မှ လှေကားထစ် သုံးဆယ့်ခြောက်ထစ်၊
ကဗျာအပုဒ်လေးဆယ်၊ တောင်ပင်လယ်
ဟိုဘက်စွန်းမှ သဲ့သဲ့ကြားရသော မိုးခြိမ်းသံ၊
လပြည့်ညတစ်ည ၊ စိုးပိုင်၏ သီချင်းတစ်ပုဒ်ထဲမှ
စာသားအချို့အဝက် ၊ ဥသြငှက်၏ နီရဲသော
အာခေါင် ၊ ကိုင်းကျိုးနေသော လက်ဖက်ရည်
ပန်းကန်လုံးတစ်ခုနှင့် မြူနှင်းရောင်အိပ်မက်တို့ကို
တင်ပြသက်သေ ထူနိုင်လိမ့်မည်ဟု..ယုံကြည်
ပါသော်လည်း ပိုင်ဆိုင်ခြင်း၏ သဘောသကန်
အတွင်းသရုပ်ကို ကျေနပ်လောက်အောင်
နားမလည်သေးသော ဇော်ဇော်အောင်အတွက်
ထိုကိစ္စကို နားမလည်နိုင်စွာ မေ့လျော့ပစ်ရန်သာ
ရှိပါသည်။ အချစ်ဆိုသည်မှာ ပိုင်ဆိုင်ခြင်းမဟုတ်
သည်မှာ သေချာသလောက်ရှိ၍ မကြည်ပြာဟူသော
ထိုနာမည် စာလုံးသုံးလုံးကို ကျွန်တော် မပိုင်ဆိုင်
ပါသော်လည်း ပိုင်ဆိုင်ထားချင်ပါသည် ။
နာမည်မျှသာ ပိုင်လိုပါသည် ။
။ ။ ။ ။ ။
တံခါးကို ပိတ်ထားပါ မောင့်မကြည်ပြာ ။
မဖြစ်နိုင်သော အရာများကို မစူးစမ်း မဆင်မခြင်
စတင်လုပ်ကိုင် ဆောင်ရွက်ခဲ့သည်မှာ နှစ်အစိတ်
ကျော်ခဲ့ပါပြီ ။ ထိုင်နေလို့တော့ ဘာမှဖြစ်မလာဘူး
ဆိုသော်လည်း တခါတရံ လုပ်လိုက်တိုင်း
အလွဲလွဲအမှားမှား ဖြစ်တတ်ပါသည် ။ မှားခဲ့တာ
အနှစ်အစိတ်ရှိပြီ ။ တစ်ဆစ်ချိုး လှေကားထစ်မှာ
တွေ့ကတည်းက ၊ ရုံးခန်းရှေ့မှာ တွေ့ကတည်းက၊
မကြည်ပြာကို စတွေ့ကတည်းက ကျွန်တော်တို့
နှစ်ယောက် အချစ်သည် လွဲမှားခဲ့ကြသည် ။
ကမ္ဘာပေါ်မှာ မှန်သောကိစ္စများကသပ်သပ်
မှားသောကိစ္စများက သပ်သပ်၊ သီးခြားခွဲ၍
တစ်စုံတစ်ယောက်က နေသားတကျဖြစ်အောင်
လုပ်ခဲ့ရင် သိပ်ကောင်းပေလိမ့်မည်။
မကြည်ပြာနှင့် ကျွန်တော် အမှားတွေသပ်သပ်ခွဲ၍
စုပုံထားသောနေရာသို့ သွားဖြစ်ကြမည် မဟုတ်ဟု
ထင်ရသည်။ အခုတော့ ကမ္ဘာပေါ်မှာ အမှားနှင့်
အမှန် ရောထွေးစုပုံထားသောကြောင့် အချစ်ကြီး
ချစ်မိသူအဖို့ အမှားကိုရွေးချယ်မိခြင်း မဆန်းလှပါ။
ချစ်တယ်ဆိုတာ အမှားတစ်မျိုးပါပဲ။ တွေးခေါ်
ပညာရှင်တချို့နှင့် စိတ်မနှံ့သူတချို့ နေရာတစ်
နေရာ ပွိုင့်တစ်ပွိုင့်မှာ လာဆုံသည် ။ မယုံမရှိနှင့်။
ပညာရှင်သည် ထိုနေရာ ထိုပွိုင့်သို့ အတွေးနှင့်
လာ၏ ။စိတ်မနှံ့သူက ဘဝနှင့် လာ၏ ။ ထိုနေရာ
ကား လူ့ဘဝသည် အစကတည်းက မှားခဲ့သည်
ဟူသော ဒဿနဖြစ်၏ ။ ပညာရှင်ကလည်း
အတွေးအခေါ်အားဖြင့် မှားသည်။ စိတ်မနှံ့သူက
လည်း သူဖြစ်တည်နေမှုအားဖြင့် မှားသည် ။
ထိုသို့ အဆိုရှိ၏ ။ မှားနေသလား မောင့်မကြည်ပြာ။
ငိုနေသောကလေးကို နို့ချိုကျွေးခြင်းသည် မမှားပါ။
ထမင်းမစားရသေးသောသူကို ထမင်းဝယ်ပေးခြင်း
သည် မမှားပါ။ အနုပညာသစ်ပင်ကို ဝေစည်ဖွံ့ဖြိုး
အောင် ရေလောင်းပေါင်းသင် ပေးခြင်းသည်
မမှားပါ ။ ခုတ်တော့အံ့ဟု တစ်ဝက်တိတိ ဆွဲနုတ်
မိသောဓားကို ဓားအိမ်တွင်းသို့ ပြန်သွင်းခြင်းသည်
မမှားပါ ။ သန့်စင်လွတ်လပ်သောလေကို အဆုတ်
တွင်းသို့ အားပါးတရ ရှုသွင်းခြင်းသည် မမှားပါ ။
လမ်းပေါ်က အမှိုက်စကို လက်ဖြင့်ကောက်ယူ
ဖယ်ရှားပစ်ခြင်းသည် မမှားပါ ။ သီချင်းတေးသွား
တစ်ပိုဒ်ကို ကိုယ်ရသလောက် ညည်းနေခြင်းသည်
မပီမသဖြစ်စေကာမူ မမှားပါ ။ ဗြဟ္မစိုရ်တရား
လေးပါးသည် မမှားပါ ။ အသေအချာ ပြောလိုက်
ပါမည်။ မေတ္တာတရားသည် ဘယ်အခါမှ မမှားပါ။
သိပ်ချစ်တယ် မကြည်ပြာ ။ အချစ်ဆိုတာ
ဘယ်အခါမှလည်း မမှား၊ ဘယ်အခါမှလည်းမမှန်။
အချစ်ဆိုသည်မှာ အမှန်မဟုတ်သော်လည်း
အမှားလည်းမဟုတ် ။ အချစ်သည် ဘာမှမရှိသော
ဗလာနယ်ထဲမှာ ခမ်းနားကြီးကျယ်စွာ တောက်ပ
ကွန့်မြူးနေ၏ ။ တံခါးပိတ်ပါ မကြည်ပြာ ။
ကျွန်တော် ဟို အဝေးရပ်က သစ်ပင်အောက်မှာ
ရှိနေမည် ။
။ ။ ။ ။ ။
ဘဝဆိုသည်မှာ သွားရောဂါ ဆရာဝန်ထံ သွားခြင်း
တမျိုးဖြစ်သည်ဟု ဆိုမိန့်ခဲ့သော ပညာရှင်
တစ်ယောက်တလေမှ မပေါ်ပေါက်ခဲ့ဘူးလား ။
ရင်ထဲက နာကျင်နေသော အချစ် ကြည်ပြာကို
သွားဆရာဝန်သုံးသော ညပ်ဖြင့် ဆွဲနုတ်၍ လွှင့်ပစ်
လိုက်ချင်ပါသည် ။ ထိုအခါ ကျွန်တော့်ကို
မေ့ဆေးပေးရန် သတိရပါ ။ အဘယ့်ကြောင့်
ဆိုသော် ကျွန်တော့်ရင်ထဲက မကြည်ပြာကို
ညှပ်ဖြင့် ဆွဲနုတ်လိုက်ပြီးသည့်နောက် ကျွန်တော့်
ရင်ထဲမှာ မကြည်ပြာ ရှိနေသေးကြောင်း ယုံကြည်
နေချင်သေးသောကြောင့် ဖြစ်ပါသည် ။
လူဆိုသည်မှာ မဟုတ်မှန်းသိလျက်နဲ့ ယုံတတ်သော
ဟုတ်သည်ထင်သော သတ္တဝါ ဖြစ်၏ ။သို့မဟုတ်
မှန်းသိလျက်နှင့် ကြောက်ရွံ့သောကြောင့်
ဟုတ်သည်ဟုထင်နေသော သတ္တဝါဖြစ်၏ ။
သို့မဟုတ် ဟုတ်သည်ဟု ပြောနေသော သတ္တဝါ
ဖြစ်၏ ။ကျွန်တော့်ရင်ထဲမှာ မကြည်ပြာ မရှိတော့ပါ။
ကျွန်တော့်ရင်ထဲမှာ မကြည်ပြာ ရှိနေပါသေးသည်။
အသေအချာ မှာပါလျက်နဲ့ အမိုက်မသည် တံခါးကို
အသေအချာ လုံခြုံစွာမပိတ်။ အေးစက်သော
မြောက်ပြန်လေသည် ရွှေရောင်အနံ့နှင့် နှင်းဆီ
ဝတ်ဆံတို့ကို သယ်ဆောင်တိုက်ခတ်လာပြန်ပြီ။
ကြာဖြူပန်းသည် လရောင်ထဲမှာ ပွင့်လန်းလာ၏။
အဝေးဆီမှ ဆွေးဆွေးမြည့်မြည့် သီဆိုနေသော
မောင့်လပြည့်ဝန်း သီချင်းသံ ကြားနေရသည် ။
အမွေးအတောင် အရောင်အသွေးစိုသော
ဖီးနစ်ငှက် လေကို ခွဲ၍ ပျံသန်းလာ၏ ။ မြက်ခင်း
လယ်က ပင်လယ်ကဗွီးပင်ရင်းမှာ ညှိုးရော်နေသော
နှင်းဆီပန်းအိုးတစ်အိုး ရှိ၏ ။ ပန်းအိုးကညှိုးသည်လား
နှင်းဆီပန်းက ညှိုးသည်လား၊ တတ်ယောင်ကား
လာမစွနှင့် ။ သဒ္ဒါဆိုသည်မှာ အချစ်နှင့်မဆိုင်
သဒ္ဒါဆိုသည်မှာ မကြည်ပြာနှင့်မဆိုင်။
မောင့်မကြည်ပြာသည် ဘာသာစကားထဲမှာရှိသော
အသံအားလုံး၊ အဓိပ္ပာယ်အားလုံး၊ပုံသဏ္ဍာန်
အားလုံးဖြစ်သည်ကို မည်သူငြင်းဆိုမည်လဲ ။
မကြည်ပြာသည် ကတ္တားဖြစ်၏ ။ မကြည်ပြာသည်
ကြိယာဖြစ်၏ ။ မကြည်ပြာသည် ပစ္စည်းဖြစ်၏ ။
မကြည်ပြာသည် ဝိဘတ်ဖြစ်၏ ။ မကြည်ပြာသည်
ဝါစင်္ဂအားလုံး ဖြစ်၏ ။ မကြည်ပြာသည် ရုပ်ရင်း
အားလုံး၊သံရင်းအားလုံး ဖြစ်၏ ။ စွာတာတာ
လျှာမရှည်နှင့် ။ မကြည်ပြာသည် သဒ္ဒါနှင့်မဆိုင် ။
အဘယ့်ကြောင့်ဆိုသော် မကြည်ပြာသည်
ဇော်ဇော်အောင်၏ ဘဝသဒ္ဒါ၊အချစ်သဒ္ဒါ ဖြစ်သော
ကြောင့် ဖြစ်သတည်းဟု ဆိုရမည် ဖြစ်၏ ။
တံခါးပိတ်ပါ။ အဝေးသို့ ထွက်သွားပါမည် ။
အဝေးမှာပင် ရှိနေပါမည် ။ ရင်ထဲမှာ မရှိပါ ။
ရင်ထဲမှာ ဘာရှိသလဲ။ ရင်ထဲမှာ ရှိနေဆဲပါ ။
ရင်ထဲမှာ ဘာမှမရှိ။ မနေ့က နှင်းကျသည် ။
ဖြူနှင်းငွေ့များ ပြာနေ၏ ။ ရင်ထဲမှာ ဘာရှိသလဲ ။
သိပြီးသားအကြောင်းအရာကို ထပ်ကာထပ်ကာ
မမေးနှင့် ။ လောကထဲမှာ မေးခွန်းတွေများသည်။
အဖြေတွေ ကျေနပ်လောက်အောင် မရသေး ။
ဘာမှမဖြစ်ဘဲနှင့် လုပ်မနေနှင့် ။ ဘာတွေ လာ
ပြောပြော မယုံ ။ အချစ်ဆိုသည်မှာ ဘယ်အခါမှ
မသေ ။ အကွာအဝေး သဘောတရားကြောင့်
အချစ်သည် ပို၍ ခမ်းနားကြီးကျယ်လာ၏ ။
ဘာယူလာသလဲ ၊ဘာပေးမှာလဲ။ ရင်ထဲက
မကြည်ပြာကို ကဗျာအပုဒ်လေးဆယ် ပေးလိုက်
မည် ။ အဝေးကသာ မကြည်ပြာ ။သည်လိုနှင့်ပင်
အိပ်မက်တို့သည် တစ်စစီ တစ်မှုန်စီပြိုကွဲ
ပျံ့လွင့်၍ အမြင့်ဆုံးတောင်၊အနက်ဆုံးပင်လယ်
ကြမ်းပြင် ၊မိုးသက်လေ၊မုတ်သုန်လေ၊မြောက်ပြန်လေ
တန်ခူးလေ၊အားလုံးသော လေတွေထဲမှာ
ဝေ့ဝိုက်လွင့်ပျံ မျောပါလျက် အရပ်လေးမျက်နှာမှ
အရပ်ရှစ်မျက်နှာမှ၊အရပ်ဆယ်မျက်နှာမှ ဖြူဆွတ်
နူးညံ့သော စကားလုံးများနှင့်အတူ လေးလံ
ကြီးမားသော ပိုက်ကွန်တစ်ခု ပစ်အုပ်လိုက်သည့်
ပမာ ဘဝတစ်ခုအပေါ်သို့ ဝဲပျံကျဆင်းလာသော
အခါ ငြင်းပယ်ရန်၊ရုန်းဖယ်ရန် မေ့လျော့သော
သတိ ၊မှားယွင်းသော အသိတို့ ရှိနေသည်
ဖြစ်သောကြောင့် သူ့အလိုလို ပြာလွင်နေသော
ကောင်းကင်ထက်မှာ ပန်းဆိုင်းဆွဲသကဲ့သို့
တွဲလဲခိုချိတ်နေသည့် ကြေးနီရောင် လှောင်အိမ်
ထဲတွင် အသည်းနှလုံးကို ထည့်သွင်း၍
လှောင်အိမ်တံခါးကို ပိတ်ထားလိုက်သည့်အကြောင်း
မကြည်ပြာ သိသာစေရန် ဘယ်သူမှ စာရေး
အကြောင်းမကြားကြပါနှင့်။ ရင်ထဲမှာ မကြည်ပြာ။
ရင်ထဲမှာ ဘာရှိသလဲ။ရင်ထဲမှာ ဘာမှမရှိပါ ။
ရင်ထဲမှာ ရှိနေဆဲပါ။ ရင်ထဲမှာ ဘာမှမရှိ ။
အချစ်ဆိုသည်မှာ အရာအားလုံး ရှိနေခြင်းလား။
ကျွန်တော့မှာ မကြည်ပြာ၏ အပြုံးရှိ၏ ။
အလိုမကျသော မျက်စောင်းမရှိ။ မကြည်ပြာ၏
အုံ့ဆိုင်းသော ဒေါသ ရှိ၏ ။မကြည်ပြာ၏ တိကျ
သော စည်းကမ်းချက်များ ရှိ၏ ။ မကြည်ပြာ၏
သပ်ရပ်မှု ရှိ၏ ။ မကြည်ပြာ၏ နီရဲစိုစွတ်သော
နှုတ်ခမ်းများ ရှိ၏ ။ လှပသော ခြေထောက်ဖြူဖြူ
လေးတစ်စုံ ရှိ၏။ မကြည်ပြာ၏ ခေါင်းမာခြင်းနှင့်
စိတ်ဆတ်ခြင်း ရှိ၏ ။ ကြင်နာသနားတတ်ခြင်း
ရှိ၏ ။ ရှက်ရွံ့ အားနာတတ်ခြင်းရှိ၏ ။မကြည်ပြာ၏
အလုံးစုံ ရှိ၏ ။ အမှန်စင်စစ် ဘာမှမရှိ ။
မကြည်ပြာ မရှိ ။ အချစ်သာ ရှိ၏ ။ အချစ်သည်
ဟို အဝေးက သစ်ပင်အောက်မှာ ၊ရင်ထဲမှာ
ဗလာနယ်၊ ညမရှိ။လ မရှိ ။ နေ မရှိ ။ဒေါနပန်းမရှိ။
ရေချိုစမ်း မရှိ။ အမုန်း မရှိ ။ အချစ် မရှိ ။ အချစ်
ရှိ၏ ။ မကြည်ပြာ ရှိ၏ ။ ဇော်ဇော်အောင် ဆိုသူ
မရှိပါ ။ နှစ်ပေါင်းအစိတ် ကြာပါပြီ ။
* * *
စိမ်းညို့သော ရေမှော်ပြင်သည် အင်းလျားကန်ကို
ဖုံးကွယ်ထား၏ ။သစ်တိုပင်မှ နီရဲသော သစ်ရွက်
တစ်ရွက် ဝဲလွင့်ပျံကျသွားသည်။ကန်ရေထက်က
ရေမှော်ပြင်နှင့် သစ်ရွက်ထိတွေ့သောအခါ
ကျယ်လောင်စွာသော အသံကို ဖြစ်စေ၏ ။
တဖြည်းဖြည်းနှင့် သစ်တိုရွက်သည် မှော်သား
ပြင်ကို ဖောက်ကာ ရေအောက်သို့ နစ်မြုပ်သွား
သည် ။ ထိုအခါ လောကသည် ငြိမ်သက်၍
ကျန်ရစ်၏ ။ထာဝရတရားနှင့် ခဏတရားဆိုသော
စကားနှစ်လုံးကို ဆရာမင်းသုဝဏ် သုံးခဲ့ဖူးကြောင်း
အမှတ်ရနေ၏ ။အင်းလျားကန်က ထာဝရ ။
ရေမှော်ပြင်က တစ်ခဏ။ဇော်ဇော်အောင်သည်
သစ်ရွက် ဟုတ်ပါသလား။ စဉ်းစားကြည့်ပါ
မကြည်ပြာ ။ ဘယ်သူတွေက ထာဝရ။ ဘယ်သူ
တွေက တစ်ခဏ ။ အလောင်းစည်သူမင်းကြီး
လက်ညှိုးညွှန်ရာ ရေဖြစ်သည်ဟု ကြားဖူး၏ ။
မကြည်ပြာ လက်ညှိုးညွှန်ရာ အချစ်ဖြစ်၏ ။
စေတန်မာရ်နတ် လက်ညှိုးညွှန်ရာ ဘာဖြစ်သလဲ
စဉ်းစားစမ်းပါ ။ ဖြူဖွေးလှပသော လက်ညှိုးကလေး
တစ်ချောင်း ။ဇော်ဇော်အောင်၏ ရင်ထဲမှာ
မဲညစ်သော ကျောက်တုံးတစ်တုံး ။ကျောက်တုံး
ပေါ်မှာ လက်ညှိုးဖြူဖြူကလေး။ ကြီးမြင့်စောထံ
ပန်းချီကားတစ်ချပ် အပ်နှံ ရေးဆွဲစေ၍ 'သရဒ
အချစ်' ဟု အမည်ပေးကာ မကြည်ပြာကို မွေးနေ့
လက်ဆောင်ပေးမည် ။ လက်ညှိုးဆိုသည်မှာ
ညွှန်ပြစရာ ကိရိယာတမျိုးဖြစ်၏ ။အမှားကို ညွှန်
မည်လား အမှန်ကိုညွှန်မည်လား၊ အမှားကို ညွှန်
နေသလား အမှန်ကို ညွှန်နေသလား ။ အမှား
သည် တစ်ခဏ တရား။ အမှန်သည် ထာဝရတရား။
ဘယ်လမ်းရွေးမလဲ မကြည်ပြာ ။ ခေါင်းမာ မနေ
ပါနှင့်။ မကြည်ပြာ လက်ညှိုးညွှန်ရာ အချစ်တွေ
ဖြစ်ပါသည် ။
အစကတည်းက မစခဲ့ဖို့ ကောင်းပါသည်။
အခုမှတော့ အနှစ်အစိတ် ကြာခဲ့ပါပြီ ။ဘယ်သူမှ
စိတ်ချမ်းသာမှု မရခဲ့ပါ။ ရယ်သံမောသံ လွင်ညံ
ဝေစည်နေ၍လည်း ပျော်သည် မထင်ပါနှင့်။
ဤလောကတွင် အကျယ်လောင်ဆုံး အသံသည်
ဘာမှမပြောဘဲ တိတ်ဆိတ်နေခြင်းဖြစ်၏ဟု
တစ်စုံတစ်ယောက်က ပြောဖူးပါသည် ။
ဇော်ဇော်အောင်၏ တိတ်ဆိတ်သော အနက်ရောင်
ကျောက်တုံးသည် မကြည်ပြာ လက်ညှိုးညွှန်ရာ
ဖြစ်သွားသော အချစ်များကို တိတ်ဆိတ်စွာ
ကန့်ကွက်နေ၏ ။ အသံထွက်၍ ကန့်ကွက်ရဲသော
သတ္တိ မရှိပါ။ နာကျင်မှုများ အဆုံးစွန် ပြင်းထန်သော
အခါ သာယာမှုတမျိုး ဖြစ်လာသည်။ နာကျင်မှု
ထဲမှာ အနေကြာ၍ သာယာသလို ဖြစ်နေပြီ။
လက်ဖက်ရည် ချိုပေါ့ကျတစ်ခွက် မှန်မှန်သောက်
ရဖို့ အရေးသည် ကမ္ဘာ့ရေနံဈေးနှုန်း ညှိမရခြင်း
ထက် ပို၍ အရေးကြီး နေပါသည် ။ရွှေရောင်ကိုင်း
နှင့် မျက်မှန်နောက်မှ စူးရှသော်လည်း ရှင်သန်မှု
နည်းပါးသော မျက်လုံးနက်နက်များကို ခိုး၍
ကြည့်ရခြင်းသည် ကြယ်တာရာစစ်ပွဲ အစီအစဉ်ထက်
ပို၍ အရေးကြီးနေပါသည်။ ဘယ်သူမှ ထာဝရ
မဟုတ်သည်ကို သတိရဖို့တော့ ကောင်း၏ ။
လက်ချောင်းကလေးများ အမှတ်မထင် ထိတွေ့
လိုက်သောအခါ ဖြစ်ပေါ်ပေါက်ကွဲသွားသော
တစ်ခဏ တရားသည် အမှန်အားဖြင့် တစ်ခဏ
တရားသာ ဖြစ်ပါသည်။ အလုပ်တစ်ခုကို မဖြစ်မှန်း
သိလျက်နဲ့ ယုံကြည်ဟန်ဆောင်ကာ လုပ်နေ
ကြသော လူတွေထဲမှာ အချစ်တစ်ခုကို မချစ်မှန်း
သိလျက်နဲ့ ချစ်ဟန်ဆောင်ကာ ချစ်နေသောသူသည်
အမိုက်မဲဆုံးဖြစ်၏ ။ ဇော်ဇော်အောင်၏ ဘဝ
တစ်ခဏပေါ်တွင် အပ်ဖျားရာမျှရှိသော မိုက်မဲမှုများ
ပြည့်သိပ် မွန်းကျပ်နေ၏ ။
။ ။ ။ ။ ။
ကောင်းကင်ထက်မှ နားကွဲမတတ် ကြီးမား
ကျယ်လောင်သော အသံသည် ခြိမ်းခြိမ်းမည်၍
ဆင်းသက်လာကာ မြေပက်ကြားအက်အတွင်း
သက်ဆင်းပျောက်ကွယ်သွား၏ ။အချစ်၏ ခမ်းနား
သောအသံ ကြီးမားသောအသံသည် ကဗျာဖြစ်၍
သွား၏ ။ထိုကဗျာကို ထမင်းစား စားပွဲခင်းသော
စားပွဲခင်းအဝတ်စုတ်ဖြင့် သေသပ်စွာထုပ်၍
ပန်းဖူးထဲမှာ ထည့်ထားခဲ့ပြီ မကြည်ပြာ ။
ဟိုလူတစ်ယောက် ယောင်ချာချာ လာမလုပ်နှင့်။
မြောင်းပုပ်ထဲက သဘောတရားကို ပလက်ဖောင်း
ဘေးက မြောင်းဘောင်ပေါ်မှာ ထားခဲ့။ဝေးဝေးသွား။
ရာစုနှစ် တဝက်ကျော်ခဲ့သည်အထိ အောင်မြင်မှု
မရှိခဲ့သော သဘောတရား အပုပ်အစပ်များဖြင့်
အနုပညာပန်းပွင့်ကို မစွန်းထင်း မညစ်ညမ်းစေသင့်။
ကဗျာနှင့်စကားပြေ ကြားမှာ ပါးလျားသိမ်မွေ့စွာ
ပိုင်းခြားသော ပိုးသားဇာလွှာ ကန့်လန့်ကာကို
ကြမ်းတမ်းညှီစို့သော သားသတ်သမားလက်ဖြင့်
ဖမ်းဆီးဆုပ်ကိုင်၍ မရစကောင်း။ အနုပညာသည်
အရာအားလုံး၏ အထက်က လေပမာလျှင်
အာကာခွင်၌ သူလျှင်လွတ်လပ် လှည့်လည်ပတ်အံ့။
ဝရံတာပေါ်က ပန်းအိုးထဲတွင် ထွက်ပြူလာစ
အနုပညာ ပန်းဖူးထဲမှာ ကဗျာကို ထည့်ထားခဲ့၏။
အရှေ့လောကဓာတ်မှ ထွက်ပေါ်လာမည့် နေရောင်ြ
ခည်ထဲမှာ ကဗျာတွေ ပါလာလိမ့်မည်။အခုတော့
ချစ်နေမိခြင်း အမှောင်ထုထဲမှာ အချစ်ပန်းဖူး
မကြည်ပြာကို ကဗျာထဲမှာ ပန်းဖူးထဲမှာ။
မကြည်ပြာကို မကြည်ပြာထံမှာ။ အချစ်များစွာကို
အမှောင်တိုက်ထဲမှာ။နေရောင်ခြည်ကို မကြည်ပြာကို
အမှောင်ထဲမှာ.....ကျွန်တော် ထားခဲ့ပါဦးမည် ။
အရှေ့အရပ်မှ နေရောင်ခြည် ဖူးပွင့်လာသောအခါ
ကျွန်တော်၏ ဘဝသဒ္ဒါဖြစ်သော။ကျွန်တော်၏
အချစ်သဒ္ဒါဖြစ်သော ကျွန်တော်၏ ကဗျာဖြစ်သော
ကျွန်တော်၏ စကားပြေဖြစ်သော။ ကျွန်တော်၏
အနုပညာဖြစ်သော မကြည်ပြာ၏ အကြောင်းကို
စာပိုဒ်တစ်သောင်းဖြင့် စကားပြေကဗျာရေး၍
ဒေါနပန်းခင်း ပြတ်သွင်းတိုက်ခတ်သွားသော
လေပြည် လေညင်းနှင့်အတူ ပေးပို့လိုက်ပါမည်။
စောင့်လို့ ယူပါ မကြည်ပြာ ။
။ ။ ။ ။ ။
ခမ်းနားကြီးကျယ်သော အချစ်သည် အင်းလျား
ကန်နားမှာနေ၏ ။အချစ်ဆုံးဇော်ဇော်အောင်သည်
ဟို အဝေးက သစ်ပင်အောက်မှာ...တခဏမျှသာ
မှောင်နေသည်။မြတ်နိုးလှစွာသော အလင်းရောင်
မကြည်ပြာ. . .ခမ်းနားကြီးကျယ်စွာ..စကားပြေ
ကဗျာ...အမှောင်ထဲမှာ . . .မှောင်နေသည့်
မောင့် မကြည်ပြာ ။ ။
- ဇော်ဇော်အောင်
-(ခံစားကြည့်ပါ မကြည်ပြာ-မှ )
No comments:
Post a Comment