Tuesday, February 13, 2018
Thursday, October 5, 2017
Dear စီးရီး
*** Dear 1 to 9 ***
*** Dear_1 ***
Dear
"ဒါဏ်ရာနဲ့တည့်သောကိုယ်သာ ဖြစ်လိုပါ၏ ဘုရား"
ဆိုတဲ့ ဆုကိုပဲတောင်းစရာရှိတော့တဲ့ သိမ်ငယ်မှုမျိုးပေါ့ ။
သတိရစိတ်ကို ယူပါ
လူကိုချမ်းသာပေးပါ ။
*** ဒါဏ်ရာ ***
ရွေးချယ်မှု သီအိုရီတွေထဲ အနိုင်သေချာပြီးမှ နာနာကျင်ကျင်ရရှိလာတဲ့ အရှုံးအကြောင်းတွေပေါ့ ။
နှင်းဆီပွင့်ကိုက်ထားတဲ့ အရိုးခေါင်းအခွံတစ်ခုရှေ့မှာ ဖယောင်းတိုင်အဝါတစ်ချောင်းကို ထွန်းညှိပြီး တစ်ယောက်ယောက်ကို သေဆုံးဖို့ တိုင်တည်နေသလိုမျိုး
အိပ်မက်ထဲမှာလို တကယ်မပိုင်ဆိုင်ရမဲ့ ပန်းခြံကြီးတစ်ခုအတွက် ငါတို့ဟာ အတင်းအိပ်ချင်ယောင်ဆောင်နေကြသူတွေပဲ မဟုတ်လား
စီးကရက်မီးခိုးတွေကို မိုးတိမ်တစ်ခုစာအထိမှုတ်ထုတ်ပြီး ရေတွငါးပျက်ကလေးထဲသို့ မိုးရေတစ်ခွက်စာလောက်ရွာချလာဖို့ စောင့်စားနေရတဲ့ မျှော်လင့်ချက်တွေလို ငါ့ငိုသံတွေနဲ့မှ မမွေးစားရင် ငါဟာ ခိုရာမဲ့ ဖြစ်တော့မဲ့ ကလေးငယ်တစ်ယောက်ပေါ့ Dear ။
မိုက်မဲတဲ့ ဇတ်ကောင်တွေဆိုရင် ရိုမီယိုဆီက လွင့်စဉ်လာတဲ့ အံသွားတွေနဲ့ ငါခဲထားတဲ့ နာရီတွေအကြောင်းပေါ့ ။
ဂျက်စပဲရိုး ရုပ်ရှင်ထဲက ဇတ်ကောင်တွေရဲ့မျက်နှာတွေလို ရွံစရာကောင်းလွန်းတဲ့ အသက်ရှူသံတွေကို ပိုင်ဆိုင်ပြီးနောက် ဒါဏ်ရာတစ်ခုခုကြောင့် မနာကျင်ရရင်ငါ့ရှင်သန်ခြင်းဟာ ဘာအဓိပ္ပါယ်မှ မရှိလောက်တော့ဘူးလို့ တစ်ကိုယ်ရည်ချင်ခြင်းတစ်ခုဟာ ဝဋ် ပေါ့ ။
ရေသည်ယောက်ျားထက် မိုက်မဲတဲ့ ရွေးချယ်မှုလိုမျိုး ဟောဒီမီးခိုးငွေ့တွေကိုသာ ဖန်တီးနိုင်စွမ်းတဲ့ အားအင်တွေကုန်ခမ်းသွားတဲ့အခါကျရင် အခုထက်ပိုပြီးဆိုးရွားတဲ့ သေဆုံးခြင်းဟာ ငါ့ဆီရောက်လာမလို ။
K-ဒါရ
-----------------
#Dear_2
အငဲ သီချင်းကို ကြိုက်တယ်
ကော်ဖီကို ကြိုက်တယ်
ဤမှနသော ကတိစကားကြောင်း
ရောက်ရာရင်မှာ dear ပျော်ပါစေ။
_______________________
တစ်နေ့ ဖန်လှောင်ကန်လေးထဲက "အဲဏီ"လို့ နှာမည်ပေးထားတဲ့
ရွှေငါးလေးတစ်ကောင်ဟာ သေနေတာကိုမြင်တော့ မင်းဟာ ဝမ်းနဲသွားမယ် ။
"အဲဏီ"ကို ဘယ်လောက်ချစ်ဖို့ကောင်းလို့ မင်းက ဘယ်လောက်ချစ်ကြောင်း ။
"အဲဏီ"ရဲ့ စရိုက်လေးတွေဟာ ဘယ်လိုချစ်ဖို့ကောင်းကြောင်း။
စသဖြင့်...
"အဲဏီ"ရဲ့အမှတ်တရတွေကို ရေရွတ်ရင်း မင်းမျက်ဝန်းက မျက်ရည်တစ်စက် နှစ်စက် ကျရင် ကျသွားမယ် ။
ပြီးတော့ ရက်သတ္တပါတ်လောက်အထိ မင်းဟာ အဲဏီကို သတိရမယ် ။
သုံးလလောက် အထိ အကြောင်းတိုက်ဆိုင်တိုင်း အဲဏီ နဲ့ ပတ်သတ်တဲ့ အမှတ်တရတွေကို ပြောမယ် ။
ခြောက်လလောက် ကြာတဲ့အခါ မင်းရဲ့ဖန်လှောင်ကန်လေးထဲ နောက်ထပ် ငါးတစ်ကောင် ရောက်နေမယ် ။
အဲ့ဒီငါးကို မင်းက "စနိုး" လို့ နှာမည်ပေးရင် ပေးထားမယ် ။
တစ်နေ့ ဖန်လှောင်ကန်ထဲက "စနိုး"လို့ နှာမည်ပေးထားတဲ့ ငါးလေးတစ်ကောင် သေနေတာကို မြင်တော့ မင်းဟာ ဝမ်းနဲသွားမယ် ။
ပြီးတော့
ငါတို့က ပိုးဖလံတွေပဲ
ပူလောင်တဲ့ အရာကို အချစ်လို့ အမည်ပေးကြတယ် ။
K-ဒါရ
-------------------
#Dear_3
မြင်နိုင်တဲ့ အကွာအဝေး မဟုတ်ဘူး ဆိုတာ
ယူဇနာ ဘယ်လောက်လဲ ။
မင့်ဟာ ငါ့သူငယ်အိမ်ရဲ့
Tattoo ဖြစ်တယ် ။
_________________
ဆံသဆရာလက်ထဲက
အသွားထက် သင်းထုန်းဓား
ယုံကြည်မှု
အကျွန်းတစ်ဝင် မရှိသော
ခေါင်းဖြတ်နှုတ်ခမ်းနဲ့ ပွေ့ဖက်အိပ်ချင်တဲ့
ချင်ခြင်း
အတွင်းသားတစ်ခုလုံး ပုတ်ပွယောင်ကိုင်းပြီးမှ
"အဝေးက ချစ်သူသည် ကျီးကန်းတစ်ကောင် အဖြစ်နဲ့ ငါ့ဆီသို့ ရောက်လာပါစေသား" လို့ ဆုတောင်းနေ
ပုံပြင်ထဲက ဂဠုန်ကြီးကို ငါတို့ ဘယ်တော့မှ
ပျက်ရယ် မပြုတော့ပါဘူး
အချစ် နဲ့ အမုန်း ကွာဟမှုကြောင့်သာမဟုတ်ရင်
ငါလည်း ဆားမရ ရေမရ စောင့်နေတာ ။
K-ဒါရ
-----------------
#Dear_4
#Dear
ငါတို့လက်ကောက်ဝတ်တွေမှာ စွယ်တော်ရွက်တစ်ခြမ်းစီ
TATTOO ထိုးကြမယ် ။
လွမ်းတဲ့အခါ
လက်ကောက်ဝတ်တွေကို စာအုပ်ကြားထဲ ဖြတ်ထည့်ထားရင်
လိပ်ပြာလေးတွေ ဖြစ်လာပြီး နင့်ဆီငါလာလို့ရတာပေါ့။
အလွမ်း
___________
အဲ့ဒီတုန်းကတော့ ဟာကျူလီရဲ့ အိပ်မက်တွေလို ငါတို့ဆီသို့ မသိသေးတဲ့ အနာတရတွေကို ငါတို့ မတော်ဆ ရှူရှိုက်မိကြတယ်။
စိုးထိတ်မှု ကြိုတင်ပူပင်ခြင်းတွေဟာ ငါ့တို့ရဲ့ ရှေးဖြစ်ကို ကြိုဟောနေတဲ့ ပုဏ္ဏားတွေပဲ ။
မျက်စိကိုမှိတ်ပြီး အူမရှိတဲ့ ခန္ဒာကိုယ်ကို ဆုတောင်းကြမယ် ။
ခန္ဓာကိုယ်ကို ဘေးမှာချထားပြီး ဆူဆိုက်လုပ်နေတဲ့ အဇ္ဈတ္တ အသားတစ်တွေ ။
အကြေခွံမပါတဲ့ ငါးတစ်ကောင်အမြီးပိုင်းလို ဆန္ဒတွေ ။
သတိရတယ်ဆိုစကားကို ဂြိုလ်တုတွေဆီက ဆယ်ခပ်စားသောက်ရတာလည်း အရသာတစ်ပါးဘဲ ။
မျက်လုံးထဲက လက်ချောင်းတွေဟာ မိုးရာသီအခွံတွေကို ဆုပ်ဖြဲနေကြတယ် ။
ခြေဖနောင့်ကို ဖြတ်ပြီး ယာဇ်ပူဇော်တော့ မိုးမျှော်တိုက်တွေဆီက မင်းရဲ့ ပုံ ပိုစ်ကတ်တွေပြန့်ကျလာတယ် ။
မြူနေတဲ့ ပြက္ခဒိန်ဆီက အဖတ်လိုက်ကွာကျလာတဲ့ ရာသီသွေးတွေကြောင့် အနာဟာ ညှီနံ့ ပိုထွက်လာတာပေါ့ ။
ညတစ်ခုရဲ့ လက်ဖဝါးဆီမှာ မှောက်ချခံထားရတဲ့ စကားလုံးတွေရှိကြောင်း နာနာကျင်ကျင်ပဲ လက်ခံထားခဲ့တယ် ။
သူငယ်အိမ်မှာထိုးထားတဲ့ တက်တူးဟာ ညှို့ငင် စွမ်းပါရဲ့ ။
နာမ်တရားရဲ့ ပြယုဂ်ဆိုတာ ကိုယ်ထည်တစ်ခုကို အခွံအတိုင်း လမ်းလျှောက်စေနိုင်စွမ်းတဲ့အခါ မဟုတ်လား ။
K-ဒါရ
------------------
#Dear_5
ဝေးစရာရှိလာရင်တော့ ဝေးကို ဝေးရမှာပဲ Dear
အစက
မနီးခဲ့ရင် ဆိုတဲ့ ထောင့်စွန်းလေးတစ်ခုဆီမှာပဲ
ငါတို့အသက်ကို ကြိတ်မှိတ်ရှူကြရတယ် ။
___________
allay
သေပြီးသားလူကို ရည်စူးလို့ ယူလာတဲ့ နှင်းဆီပန်းအဝါရောင် အခွေလိုက်တွေ ။
စွန်လွတ်တန်း ကစားနေကြတဲ့ မြက်ခင်းပြင်ပေါ်က အရိုးစုတွေ ။
အနာကို လျှာနဲ့လျက်ရင်း သေခြင်းတရားကို စိတ်မရှည်မတော့တဲ့ ခွေးလေခွေးလွင့် တစ်ကောင်ရယ် ။
ငါတို့ရဲ့ လက်ခလည်တွေ တစ်ဆစ်ချင်း ပြုတ်ကျသွားတဲ့အခါ အဲ့ဒီတံခါးဟာ ပွင့်လာမလား ။
အခန်းအလွတ်တစ်ခုအထဲက ရေခဲသတ္တာမှာ ငါအိပ်မက်တွေကို ထည့်စိမ်ထားတယ် ။
လူသတ်သမားဟာ သူသတ်တော့မဲ့ လူကို နှင်းဆီအဖြူတစ်ပွင့်စီ ပါဆယ်ပို့ပြီး သတိပေးခဲ့ ။
လက်နောက်ပြန်ကြိူးချဉ်ပြီး တစ်ကိုယ်လုံး တိတ်တွေပတ်ထားတဲ့ ပြည်တန်းဆာမကို "လူတစ်ယောက်က မင်းကို မုဒိမ်းကျင့်တိုင်း မင်း ဒီလိုပဲ ကြောက်လန့်နေခဲ့သလား"လို့ မေးတယ် ။
"သူ့အဖေဟာ ကိုယ်ကျင့်တရားကို သိပ်တန်ဖိုးထားတဲ့ လူ ။
တစ်နေ့တော့ ပြည်တန်းဆာမတစ်ယောက်က ဘယ်လိုသိမ်းသွင်းလိုက်သလဲ မသိဘူး ။
သူဟာ အဲ့ဒီပြည်တန်းဆာမနဲ့ ငြိမ့်စွမ်းခဲ့တယ် ။
နောက်တော့ သူဟာ အလွန်ရှက်ပြီး မြေအောက်ရထားလမ်းတစ်ခုအထဲ ကြိုးဆွဲချပြီး ကိုယ့်ကိုကိုယ် အဆုံးစီရင်သွားခဲ့တယ် ။"လို့ လူသတ်သမားရဲ့ အမေက ဖြောင့်ချက်ပေးတယ် ။
အခုသတ်တော့မဲ့ ပြည်တန်းဆာမဟာ သူ့အဖေကို အကြပ်ရိုက်စေတဲ့ ပြည်တန်းဆာမ မဟုတ်ဘူး ။
ဒီလိုပဲ လူသတ်သမားဟာ ပြည်တန်းဆာမများစွာကို သတ်ဖြတ်လာခဲ့တာ ။
ငါတို့ဟာ ကံတရားကမေ့လျော့နေတဲ့ အခါမှာလည်း အနာတရကို ဦးညွတ်မပျက်ခဲ့ကြ ။
အထပ်နှစ်ဆယ် တိုက်ပေါ်က ပြုတ်ကျလာနေတဲ့ လူတစ်ယောက်ဟာ သေခြင်းတရားကို ဘယ်လောက်ကြောက်လန့်နေခဲ့သလဲလို့ စောင့်မေးကြည့်ပါလား Dear ။
ဘဝကို ရလာပြီးရင် အနာနဲ့ ပါးရည်နပ်ရည် ရှိဖို့လိုတယ် ။
K-ဒါရ
------------------------
*** dear_6 ***
dear...
ဘဝ ဟာ အခွံပဲ
ပြည့်လျှံနေတဲ့ ဝါကျတွေ အထဲက
မင်းနှာမည်ကို ဆွဲနှုတ်လိုက်ရင်
ဘာမှ ကျန်တော့မှာ မဟုတ်ဘူး။
အသက်တစ်ရက် ရှင်သန်ဖို့အတွက်
မင့် ဖိနပ် ရောင်စုံတွေကို
မျက်ရည်တွေနဲ့ ပွတ်တိုက်သန့်စင်ပေးနေရတာလား၊
မင်းရဲ့ လက်သဲခွံလေးတွေ
အရောင်လက်ဖို့
ငါဟာ ပြဒါးမှုံ တစ်စလို
အဲ့ဒီဖန်ပုလင်းထဲ မွန်းကျပ်ပေးနေရတာလား၊
အချစ်ကို စတွေ့တဲ့နောက်
ငါဟာ ဘုရားနဲ့ လွဲခဲ့တယ်။
နာရီထဲရောက်သွားပေမဲ့
အိမ်မြှောင်တွေ မိတ်လိုက်ခြင်းမှာ
အချိန်ဟာ အကျုံး မဝင်ဘူး dear
ငါချစ်ခဲ့တယ်
ငါ့စုတ်သတ် သံနဲ့ ငါ့ကို မီးစွဲလောင်ဖို့.......။
____________________
*** ဝဋ် ***
သစ်ပင်ရဲ့ လက်မှာ ကိုင်ထားတဲ့ ခေါင်းပြတ်ဟာ အနာတရကို မေ့လျော့နေတယ် ။
အိပ်မွေ့ကျနေသူရဲ့ ပါးစပ်က လူးလွန့်ထွက်လာတဲ့ လောက်ကောင်တွေလို ချစ်သူနဲ့ ရှင်ကွဲဝေးရတဲ့ ဒုက္ခဟာ ငါတို့သတိလစ်နေတဲ့ အခါတောင် ငါတို့ကို ပစ်မသွားဘူး ။
သေပြီးသားလူတွေနဲ့ ဓာတ်လှေကားတစ်ခန်းတည်း စီးဖြစ်တဲ့အခါ မင်းဟာ ဘယ်သူ့ကိုသတိရမလဲ ။
မြင်နေတဲ့ မိုးတိမ်တွေထက် အခြေမဲ့တဲ့ ကံတရားတစ်ခုဆီမှာ ငါတို့ဝင်ပုန်းလိုက်ကြတယ် ။
ခြေထောက်တွေမှာ နားရွက်ပါရင် ငါတို့ခြေသံတွေကြောင့် ငိုကြွေးလို့ ဆုံးမှာမဟုတ်ဘူး ။
ငါ့မှာ အခန်းဝှက်တစ်ခုရှိသေးတယ် ။
တစ်ယောက်တည်းရှိတဲ့ အချိန်တွေထက် နာကျည်းလို့ရတဲ့ ဒါဏ်ရာတွေကို အလွမ်းလို့အမည်ပေးပြီးတဲ့နောက် အခန်းဝှက်လေးထဲက လက်ပြတ်တွေဆီမှာ မျက်နှာတစ်ခုကို ငါရှာနေခဲ့တယ် ။
K-ဒါရ
-----------------
*** Dear_7 ***
ပိုင်ဆိုင်မှုကို ပြပါဆိုရင်
လက်ခလည်ပဲ ထောင်ပြစရာရှိတယ် ။
ငါ့အရောင်က မှောင်လွန်းပါတယ် Dear
___________________
*** တံလျှပ် ***
Dear
ကိုယ့်အသားနဲ့ လုပ်ထားတဲ့ ဟမ်ဘာဂာကို ဘုရားတင်ပြီး မင်းစိတ်ချမ်းပါစေလို့ ဆုတောင်းခြင်းမှာ ဆက်လက်ပျော်ပိုက်ဖို့ ဒါဏ်ရာနဲ့ ယဉ်ပါးခြင်းကိုသာ အလိုရှိတယ် ။
မိုးကြိုးပစ်ခံလိုက်ရတဲ့ သစ်တစ်ပင်ကို ရေလောင်းနေသလိုမျိုး နမ်းစုပ်ခွင့်မရှိတဲ့ နှုတ်ခမ်းကိုပဲ အဝေးကြီးကနေ ခေါစာကျွေးနေရ ။
ပန်းသစ်တော်သီးထဲက လောက်ကောင်တွေလို ငါ့ကံတရားဟာ ချိုချိုကြီးနဲ့ ညှီစော်နံလွန်းတယ် ။
အရိုးပြာတွေကို ဂင်္ဂါမြစ်ထဲ မျှောချရင်း ကောင်းရာသုဂတိ လာပါစေလို့ ဆုတောင်းနေသူတွေလိုပေါ့ ။
နဂါးခေါင်းဟာ တစ်မျက်နှာကိုပဲ လှည့်နေတယ် ။
ချစ်တယ်ဆိုတာ ကိုယ့်လက်ညှိုးအနာက ပြည်ပုတ်ကို ကိုယ်တိုင်ကုံးစုတ်နေတဲ့ ခလေးငယ်ရဲ့ ပျော်ရွှင်မှုမျိုးပဲ ။
မျောက်ဟာ ရင်ဘတ်ထဲစိုက်ဝင်လာတဲ့ မြားစူးကို နစ်သထက်နစ်အောင် မွှေ့သွင်းနေတယ် ။
ဥက္ကာခဲ နှစ်ခု မျက်နှာချင်းဆိုင် ဝင်ဆောင့်မိတဲ့အခိုက်တန့်တစ်ခုရဲ့ အလင်းတန်းမျိုးပါပဲ
ပုတ်ပွနေတဲ့ အလောင်းကောင်ဟာ ဘယ်ပန်းရနံ့ကိုမှ မဆာလောင်တော့သလိုမျိုး ငါချစ်ခဲ့တယ် ။
K-ဒါရ
-----------------------
*** Dear_9 ***
ဘဝ ဆိုတာ
ကော်ဖီခွက် နှုတ်ခမ်းက
ယင်တစ်ကောင်ရဲ့ အာသာပါပဲ Dear
ကိုယ့်အကြိုက်ထဲ
ကိုယ်နစ်သေပစ်ကြရုံ ။
_______________________
*** မျက်ကန်း ***
"ည နဲ့ တူတဲ့ အရောင်ဆိုတာ ဘာအရောင်လဲ"လို့ ခလေးငယ်တစ်ယောက် လာမေးတိုင်း ငါဟာ သေသူကိုယ်ထဲက သွေးတွေလို အေးခဲသွားရတယ် ။
ဆံပင်တွေကို အခွေလိုက်အံထုတ်နေရသူဟာ ငရဲရဲ့ အရသာကို သိစရာလိုပါအုံးမလား Dear
ဓားတွေဟာ အချင်းချင်းပွတ်တိုက်ပြီး ထက်ရှလာကြသလိုမျိုး ဝိရောဓိကြေးမှုံတစ်ချပ်ရဲ့ လူလားမြောက်ခြင်းဟာ ငါ့ခြံဝသို့ရောက်ပြီးမှ သေဆုံးသွားကြတဲ့ ရက်ရာဇာတွေ ။
သွေးခြည်ဥတွေဟာ အရေပြားကို ဖေါက်ထွက်သွားမတတ် တစ်ပွတ်ပွတ်ဆူအောင် လွမ်းတယ်ပဲ ထားအုံး
ငါ့ခေါင်းအုန်းတစ်လုံးစာ ပွင့်လင်းခြင်းမျိုးနဲ့ တစ်ယောက်တည်း ရေရွတ်နေမိတဲ့ ငရဲပူဇာတေးတွေဟာ ငါ့ကို ဘယ်ပန်းရည်ခွက်ထဲ နှစ်သတ်နိုင်အုံးမှာတဲ့လဲ ။
လျှာပေါ်တင်လိုက်တာနဲ့ အလိုလို ပျော်ကျသွားမဲ့ ချိုချဉ်တစ်လုံးရဲ့ ဇီဝကမ္မလို အလိုလိုနေလည်း သေလို့ရရဲ့သားနဲ့ ငါဟာ အချစ်ကိုရှာခဲ့တယ် ။
အချစ်ကို တွေ့ခဲ့တယ် ။
ဘယ်လောက်နာကျင်လို့ရတဲ့ ဒါဏ်ရာတစ်မျိုးကို မင်းစိတ်နဲ့ ဖန်တီးဖူး သလဲ ။
မျက်ရည်စက်လက်ကျနေတဲ့ကြားက အဲ့ဒီ နမ်စားကလေးကိုပဲ မေ့ဖို့ကြောက်နေခဲ့တယ် ။
K- ဒါရ
------------------
*** Dear_10 ***
ငါနာကျင်နေတာကို ငါသိနေတာဟာ
ငါမသေသေးလို့ပဲ ။
ငါ မသေသေးတာကိုပဲ
ပိုပြီးနာကျင်ရပါတယ် Dear
_________________
*** အနေ အထား ***
ကိုယ့်ကိုကိုယ် ကိုယ့်စိတ်အစာအဖြစ် ချကျွေးပြီး ပိန်လှီနေအောင်အထိ နာမကျမ်း ဖြစ်ပစ်လိုက်တယ် ။
တစ်ယောက်တည်း ဆိုတာ အိပ်စက်နေတဲ့အခါတောင် နံရိုးတစ်ချောင်းအချိုးခံရတဲ့ အနိဌာရုံမျိုးပဲ မဟုတ်လား ။
"အဝေးဆုံး" ဆိုတဲ့ စကားထဲကို ကော်ဖီတွေလောင်းချပြီး မျက်စိကြောင်နေတဲ့ ဆင်ခြင်တုန့်တရားတွေထဲသို့ ယင် တစ်ကောင်လို အခါ တစ်သောင်းတိတိ နစ်သေမိတယ် ။
အမေ့ဗိုက်ထဲကနေ ခြေလက်အင်္ဂါအစုံအလင်နဲ့ မွေးလာပြီးမှ ကိုယ့်ရဲ့ အင်္ဂါအစိတ်အပိုင်းတစ်ခုလို မင်းကို လိုချင်နေသေးရဲ့ ။
ဘာတွေလဲ Dear
ပါးပါးလွှာလွှာလေးဆိုတာ အကြွေတစ်စေ့ရဲ့ ခေါင်း နဲ့ ပန်း လို ဆန့်ကျင်ဘက် နှစ်မျက်နှာကို ခေါ်တာပဲ မဟုတ်လား ။
ငါနဲ့ မင်းဟာ ပါးပါးလွှာလွှာလေး ဝေးခဲ့တာ ။
K-ဒါရ
ဘာတွေလဲ Dear
ပါးပါးလွှာလွှာလေးဆိုတာ အကြွေတစ်စေ့ရဲ့ ခေါင်း နဲ့ ပန်း လို ဆန့်ကျင်ဘက် နှစ်မျက်နှာကို ခေါ်တာပဲ မဟုတ်လား ။ ငါနဲ့ မင်းဟာ ပါးပါးလွှာလွှာလေး ဝေးခဲ့တာ ။
K-ဒါရ
Thursday, September 14, 2017
သစ်ရွက်ကော်ဖီ
သစ်ရွက်ကော်ဖီ
ဘယ်သူမရှိတဲ့အချိန်ကိုရွေးပြီး
သစ်ရွက်ကလေးဟာ တိတ်ကလေး ကြွေကျပစ်လိုက်တယ်
ငါမြင်လိုက်တယ် ဆိုတာကိုတောင် သစ်ရွက်ကလေးကို မပြောပြဖြစ်လိုက်ဘူး ။
ပြောဖို့လိုလိမ့်မယ်လို့လည်း မထင်ပါဘူးလေ ။
ငါမသိပဲ ကြွေသွားတဲ့ သစ်ရွက်တွေကော ဘယ်လောက်တောင် ရှိနေလိမ့်မလဲ ဆိုတာလည်း ဝမ်းနဲစရာ အတွေးတစ်ခုပဲ ။ တစ်ချို့သစ်ရွက်တွေက သူတို့ကြွေကျတာကို တစ်ယောက်ယောက်တော့ အနည်းဆုံးမြင်ချင်ကြမှာပဲ ။ ဒါဆိုရင် ခုနကကြွေကျသွားတဲ့ သစ်ရွက်ကလေးကကော ငါ့အကြည့်ကိုစောင့်ပြီး ငါသိအောင်များ ကြွေကျပြတာလား ။
ငါ ဒါဆို သစ်ရွက်ကလေးကို သွားနှစ်သိမ့်ရမှာလား ။ တကယ်လို့ ငါမသိအောင် ကြွေကျတာဆိုရင် ဘယ်လိုလုပ်မလဲ ။ ငါသိအောင်ကြွေတာဆိုရင်လည်း သစ်ရွက်တစ်ရွက်ကြွေတာကို ဝင်ဝမ်းနည်းနေလို့ သစ်ရွက်ဟာ သူ့ပင်စဉ်မှာ ပြန်စိမ်းလမ်းလာမှာမှ မဟုတ်ပဲ။
တချို့သစ်ရွက်တွေဆိုရင် ဒီလိုပဲ ကြွေကျသွားနေကျ။
သစ်ရွက် ကိုယ်က ကြွေကျဖို့ဖြစ်လာကြတာပဲ။
ငါက ဘာလို့များသစ်ရွက်ကြွေတာကို အဖက်လုပ်ပြီး စဉ်းစားနေမိတာလဲ။
ဝရံတာကနေအခန အခန်းထဲသို့ ပြန်ဝင်လာခဲ့တယ်။
အငဲ ရဲ့ စက္ကူလေတံခွံသီချင်းကို တိုးတိုးကလေးဖွင့်နားထောင်ရင်း ကော်ဖီတစ်ခွက်ဖျော်တယ်။ ပြီးတော့ ဆရာဝန်ပေးထားတဲ့ ဆေးတွေကို သောက်ရအုံးမယ်။
ပြီးရင် တယောထိုးမယ်။
စိတ်ပျက်ဖို့ကောင်းတာက တယောထိုးနေတုန်း နခေါင်းက လျှံကျလာတတ်တဲ့သွေးတွေပဲ။
အာ...ငါ ဘာရေးမိတာပါလိမ့်။
သစ်ရွက်တစ်ရွက်ကြွေကျတာကို ဘယ်သူမှ ဝင်ပြီးဝမ်းနည်းစရာမလိုဘူး ။
K-ဒါရ
Tuesday, September 12, 2017
ဗုဒ္ဓဟာ ကယ်ပြီးသွားပြီ
ဗုဒ္ဓဟာကယ်ပြီးသွားပြီ။လသာတုံး ဘိုင်းမငင်တာ ခင်ဗျားရဲ့ မိုက်မဲခြင်းသာဖြစ်တယ်။ (၁)
🌀🌀🌀🌀🌀🌀🌀🌀🌀🌀🌀🌀🌀🌀🌀🌀
အသားနဲ့ရက်ထားတဲ့ အင်္ကျီကိုဝတ်ပြီး မျက်နှာပုံစံ အမျိုးမျိုးနဲ့ သံသရာကိုလျှော်ဖွတ်ဖို့ ရောက်လာပြီးခါမှ ကိုယ်နဲ့မဆန့်တဲ့တွင်းထဲသို့ဝင်ပြီး ဘဝဆိုတာအနေရခက်ကြီးပါကွာ လို့ ညည်တွားတယ်။
မီးစွဲလောင်တဲ့ဂူကြီူထဲသို့ဝင်အောင်းပြီး ကိုယ်ထဲကအသားတွေ တဖဲ့ချင်းဆွေးကျလာမှ ဗုဒ္ဓက ငါ့ကိုမကယ်ဘူးလို့ အပြစ်တင်တယ်။
ဗုဒ္ဓဟာ ကိုယ်ကျင့်တရားနဲ့စပ်လျဉ်းတဲ့ ခံခွင့်၊စံခွင့်ကလွဲပြီး ရေထဲကလူကို ကောက်ရိုးတစ်မျှင် ချပေးပါမယ်လို့ကတိခံဝံချက် မထားခဲ့ဘူး။
ကိုယ်ချင်းစာတရားမရှိတဲ့ အဆိုအမိန့်တိုင်းမှာ နာရီလက်တံလို အဲ့ဒီမှန်လှောင်အိမ်ထဲ အချိန်မှန်လည်ပါတ်နေဖို့ကလွဲပြီး သိပ်မွေးလွန်းတယ်ဆိုတဲ့ ရနံ့ကို ပိုင်ဆိုင်ထားခဲ့ရင်တောင် အဲ့ဒီရနံ့ကိုတခြားသူခံစားလို့မရဘူး။
ဆန္ဒနဲ့ဘဝတစ်ထပ်တည်းမကျတဲ့အခါမှ ဗုဒ္ဓကိုသတိရဖို့အားကြသလား၊ကိုယ်မသိတဲ့အမှန်တရားတွေကို တကယ်မရှိဘူးထင်ပြီး
ဗုဒ္ဓကို အာဖျန်ကွီးလို့ စွပ်စွဲတယ်၊
ဗုဒ္ဓဟာ ကျောက်ရုပ်ကြီး ဖြစ်တယ်လို့ စွပ်စွဲတယ်၊
ဗုဒ္ဓဟာ တကယ်မရှိဘူးလို့ စွပ်စွဲတယ်၊
ဘာဖြစ်တယ် စွပ်စွဲတယ်၊
ညာဖြစ်တယ် စွပ်စွဲတယ်၊
ကိုယ်ပိုင်အသိနဲ့ထိုးဖောက်လို့မရတဲ့ပါတ်ဝန်းကျင်မှာ ကိုယ့်အယူဆတွေထဲ ဗုဒ္ဓပုံကိုအကြီးကြီး တွယ်ချိတ်ပြီး အသုံးချတယ်။
မီးထဲသို့လက်ညိုးထိုးရင်ပူလောင်မည်ဟု သွန်သင်ဆုံးမခဲ့သော ဗုဒ္ဓမြတ်စွာသည်
မီးကိုကူငြိမ်းပေးလိမ့်မည် မဟုတ်။
ဗုဒ္ဓဟာ ကိုယ်ချင်းစာတရားကိုပေးခဲ့တယ်။
ဗုဒ္ဓဟာ ပဋိသန္ဓေကို ငြီးငွေ့စရာအဖြစ် ပြသတယ်။
ဗုဒ္ဓဟာ သံသရာရဲ့ကြောက်ရွံ့စက်ဆုပ်ဖွယ်အမူအကျင့်များနဲ့ ခြိမ်းခြောက်ပြီး ဝဋ်ကိုကြောက်ရွံ့ဖို့ဆုံးမတယ်။
ဗုဒ္ဓဟာ စိတ်နဲ့တူတဲ့ကံသာရှိကြောင်းအတိအလင်းကြီးဖော်ပြတယ်။
ခင်ဗျားရဲ့မိုက်မဲမှုနဲ့စပ်လျဉ်းပြီး ခင်ဗျား လိပ်ပြာမသန့်ဖြစ်ရတဲ့ အချိန်တွေမှာ ဗုဒ္ဓဟာ ခင်ဗျားကိုလှောင်ရယ်နေမှာမဟုတ်ဘူး။
ခင်ဗျားအနေနဲ့ ဗုဒ္ဓကိုပြစ်မှားတဲ့အခါတွေမှာလည်း မကောင်းမှုကိုရွံရှာဖွယ်မှန်းသိခဲ့တဲ့ဗုဒ္ဓဟာ ထွေးထုတ်လိုက်တဲ့တံတွေးကို ပြန်ပြီးလျှာနဲ့မလျက်သလို လစ်လျူရှုခဲ့ပြီဖြစ်တယ်။
ဗုဒ္ဓကယ်ပါဆိုပြီး မညည်းတွားလိုက်ပါနဲ့
သေသွားတဲ့သစ်ပင်ဟာ သစ်စေ့တွေကိုမျိုးချန်ထားခဲ့ပြီး သူ့ဆီကသီးပွင့်မပေးတော့သလိုမျိုး ဗုဒ္ဓဟာ သူ့ရဲ့ဆုံးမစကားတွေကိုချန်ထားခဲ့ပြီး ပဋိသန္ဓေ အဖြစ်ကချုပ်ငြိမ်းသွားပြီဖြစ်တယ်။
မရှက်မကြောက်ဝန်ခံလိုက်စမ်းပါ ဗုဒ္ဓဘာသာဆိုတာ လူချမ်းသာနတ်ချမ်းသာထက် ဘာအဖြစ်မှမရှိတော့တဲ့ ချုပ်ငြိမ်းခြင်းဝါဒီတွေကို အလေးမြတ်ထားသူဆိုတာ။
မွေးဖွားပြီးလာတိုင်း အဲ့ဒီအဖြစ်တရားဟာ ပျက်ပျက်သွားနေကြ၊ဗုဒ္ဓကပဒိုင်းပင်လိုရှင်သန်ခြင်းနဲ့စာရင် ကျောက်တုံးတွေလိုသေဆုံးနေခြင်းက တန်ဖိုးရှိတယ်လို့သွန်သင်တယ်။
____ဆက်ရန်
K-ဒါရ
Sunday, September 10, 2017
Dear
တစ်ယောက်ကို လွမ်းနေဖို့
တစ်ယောက်ဟာ မသေပေးနေပေးရ
ငရဲကျတယ်တယ်ဆိုတာ ကိုယ့်အိပ်ကပ်ထဲမှာ ဘာမှမရှိဘူးဆိုတာကို ပြောမထွက်ပဲ မင်း ဘာလိုအပ်သလဲ
မေးချင်နေတဲ့ အခိုက်တန့်လေးတွေပါ Dear ။
◾ နာကျင်ခြင်း အသားပန်းပုရုပ် ◾
ကိုယ်ငိုကြွေးပစ်ရမလား
ကိုယ့်ရိုးတွင်ခြင်ဆီတွေမှာ နှင်းလိုအေးခဲတဲ့
ဆဲလ် တွေပြည့်သိပ်လို့။
တွင်းနက်ကြီးတစ်ခုဆီက
ခုနစ်ဘဝဆက်တိုက် မိခင်တော်စပ်ခဲ့သူရဲ့
ခေါ်သံလို
အညိုရောင်အစင်းကျားတွေနဲ့
ပြည်တည်နေတဲ့ နှင်းဆီအတွင်းသားကို
ကိုယ်စားချင်ခဲ့ရဲ့
နောက်
မီးရထားရဲ့ အရှိန်လို ကိုယ်ချစ်ခဲ့ပြီပေါ့
နောက်
စီးကရက်တစ်လိပ်ရဲ့ လောင်မြိုက်မှုလို
ကိုယ် လူရာဝင်ချင်လာခဲ့ပေါ့
ခုတော့
ကိုယ်ရယ်မောပစ်လိုက်မယ်
ခုတော့ ကိုယ်ဟာ ဒိန်ချဉ်တွေအပြည့်ထည့်ထားတဲ့ ဥနှောက်နဲ့ မင်းနှာမည်ဆီ မှောက်ကျသွားခဲ့ပေါ့
ရောက်ရာအရပ်က အမျှပေးဝေသံကို
စောင့်စားရတဲ့တစ္ဆေတစ်ကောင်ဟာ ကိုယ်မဟုတ်ဘူး
ကိုယ့်အတွက်တတ်ဆင်ဖို့မေ့နေတဲ့ မင်းရဲ့ နားရွက် အသားစတွေထဲ ကိ်ုယ် ပွင့်ဖူးလို့ပေါ့
သိသိသာသာ အပြာရောင် ပင်လယ်တစ်စင်ထဲ
အက်ကွဲတော့မဲ့ လှိုင်းတစ်လုံးရဲ့ ခြေသဲခွံတွေလို
ကိုယ့် ငိုသံကိုယ်က နာသာလွန်းလှပါတယ်
K-ဒါရ
Saturday, September 2, 2017
psychic-1
"psychic -1
"အဲ့ဒီ ဗွီဒီယိုကို ကြည့်ပြီး ခုနစ်ရက်အတွင်းမှာ ကြည့်တဲ့သူဟာ သေပေးရတယ် "
"တစ်ခုတည်းသော လွတ်မြောက်ရာဟာ အဲ့ဒီဗွီဒီယိုကို နောက်တစ်ယောက်ကို ကြည့်ခိုင်းခြင်း အားဖြင့် သေခြင်းတရားကို လက်လွှဲနိုင်တာပဲ " တဲ့
ပုံပြင်တစ်ခုမှာ မင်းသားဟာ သေသွားတဲ့ သူ့ချစ်သူကို ငရဲ အထိ လိုက်ပြီး ကယ်သတဲ့ ။
"မင်းချစ်သူ ကျမဲ့ငရဲကို မင်းခံစားပေးခြင်းနဲ့ သူမရဲ့ အပြစ်ကို လွတ်ငြိမ်းခွင့် ပေးနိုင်တယ် ။
သူမဖက်က လုပ်ပေးရမဲ့ တစ်ခုတည်းသော တာဝန်ဟာ မင်းကို သတိမရတော့ပါဘူး ဆိုတဲ့ ကတိပဲ " ဆိုတော့ ငရဲမင်းရဲ့ စကားကို မင်းသမီးလေးဟာ ငြင်းဆန်နေတုန်းမှာပဲ မင်းသားဟာ မင်းသမီးပါးစပ်ထဲသို့ တစ်သက်တာ မေ့ဆေးတစ်မျိုးကို အတင်းထိုးကျွေးပစ်လိုက်သတဲ့ ။
တကယ်လို့များ The Rings ရုပ်ရှင်ထဲက ဗွီဒီယို ဖိုင်လေးကိုသာ ကျွန်တော့်ချစ်သူက ကြည့်ဖြစ်သွားခဲ့ရင် ကျွန်တော်ဘာလုပ်မလဲ ဆိုတာ စိတ်ဝင်စားစရာ မဟုတ်လား ။
"The Boy " ရုပ်ရှင်ထဲက အိမ်ဖေါ် အမျိုးသမီးလို ကော်ရုပ်တစ်ခုကို သီချင်းဆိုပြနေရတဲ့ တာဝန်တစ်ခုကို ချစ်မိပြီးနောက်မှာ
ကျွန်တော်တို့ ရရှိခဲ့ကြ ။
မသိစိတ်ရဲ့ တိမ်းညွတ်မှုတစ်ခုအဖြစ် သေသူဟာ အရုပ်ဆီမှာ ဝင်ပူးနေတာလို့ ခံစားပြီး ကြေက်လန့်နေရသလိုမျိုး
အချစ်ဆိုတာ ကျွန်တော်တို့ စိတ်ကူးနဲ့ မဆန့်တဲ့အထိ ပုံဆောင်ခဲ အားလုံးကို ဖြစ်စေနိုင်တယ် ။
ချစ်မိသွားပြီဆိုရင်တော့
စတင်ကမ်းတော့တာပါပဲ ။
လောလောဆယ်တော့ သူမကို ဗွီဒီယိုမကြည့်ဖို့ တားမြစ်ရမိတော့မယ်။ ။
K-ဒါရ
Friday, September 1, 2017
ကင်ဒီရယ် ငါပြန်လာတယ်
ကင်ဒီ ရယ်......ငါပြန်လာတယ် နှင်းဆီရနံ့မှာ ငှက်တေးတစ်ပုဒ်လို တွယ်ကပ်လို့
•••••••••••••••••••••••••••••••••••••••••••••••••••••••••••••••
ဒီဘဝ ပြီးသွားပြီးမှတော့ ဒီဘဝကိုလည်း ပြန်မရချင်တော့ဘူး ကင်ဒီ။
နှင်းဆီ ရောင်စုံတွေတော့ မွှေးမြဲအတိုင်း မွေးကြတယ်လို့ မင်းထင်လိမ့်မယ်။ဒါပေမဲ့ အခု မင်းနမ်းနေတဲ့ နှင်းဆီဟာ ပြီးခဲ့တဲ့ နိုဝင်ဘာလက မွှေးခဲ့တဲ့ နှင်းဆီမဟုတ်တော့ဘူး။
ငါ့တစ်ကိုယ်လုံးကို မြေလှန်ရှာဖွယ်ပစ်တာတောင် မင်းကိုချစ်တယ်ဆိုတဲ့ အက္ခရာကို ရှာမတွေ့နိုင်တော့___
နမ်းခဲ့တဲ့ နှုတ်ခမ်းဟာ မနမ်းခင်က နှုတ်ခမ်းလို ရှိနိုင်တယ်။
ပွတ်သတ်ဖူးခဲ့တဲ့ ပါးပြင်ဟာ ပွတ်သတ်စဉ်က အတိုင်း မွေးညင်းကလေးတွေ မဆိုစလောက်နဲ့ မင်းလိမ်းထားတဲ့ မိတ်ကပ်ရနံ့သင်းပျံ့နေနိုင်တယ်။
ငါဟာ ဘယ်ကို ရောက်သွားခဲ့တာလဲ။
အဲ့ဒီ သိပ်မက်မောတဲ့ အရာတွေဆီကနေ မခွဲထွက်ချင်ပဲ ခွဲထွက်လာခဲ့အပြီးမှာ ........
ကင်ဒီရယ်......
ဟေး.......ကင်ဒီရယ်.......
မင်းဟာ ငါ့ကမ္ဘာပါလို့ ပြောဖူးခံတော့ ငါဟာ ကမ္ဘာ့အပြင်သို့ ရောက်သွားတယ်။
မင်းမရှိရင် အသက်မရှင်နိုင်ဘူးလို့ ယုံကြည်ခဲ့ပြီးမှ အသက်အသစ်တစ်ခုကို မင်းမလိုပဲ ငါရရှိခဲ့ပြန်တယ်။
ကင်ဒီ
လှစ်ကာစတွေ လေမတိုက်ပဲ လှုပ်ရမ်းသွားတဲ့အခါ မင်းဝမ်းသာလိုက်ပါလား။
ဘယ်သူလက်နဲ့မှ မထိတွေ့ပဲ ပီယာနိုခလုပ်တွေ လှုပ်ခတ်လာပြီး မင်းသိပ်ကြိုက်တဲ့ အင်ဂျယ်တယောရဲ့ ရစ်သမ်တွေကို သီဆိုနေတဲ့အခါ မင်းပျော်လိုက်ပါလေ....။
ကင်ဒီ ရယ်.....
ချစ်သော ကင်ဒီရယ်.....
ဟောဒီ သေခြင်းတရားကို ငါရရှိခဲ့ပြီးမှ သေခြင်းတရားတစ်ခုကို ငါအသစ် ပြန်ရခဲ့ရင် မင်းဆီလာချင်စမ်းရဲ့၊လက်ရှိသေခြင်းတရားက မွေးဖွားခြင်းပါ ကင်မဲ့နေတော့ ငါပျင်းတယ်။
မင်းမသိလိုက်ပဲ မင်းနားရွက်ဖျားလေးကို ငါ့လျှာနဲ့ နမ်းလျက်ပစ်လိုက်တယ်____
မင်းသိပ်စိုးရွံ့ခဲ့တဲ့ ရေချိုးခန်းထဲက ကိုယ်တိုက်ဆပ်ပြာဗူးထဲလည်း ငါ ဝင်နေလိုက်မိရဲ့။
ကင်ဒီရယ်......
အသိမှတ်ပြုမခံရတဲ့အခါ ငါနမ်းတဲ့ ပါးပြင်ဟာ လေဟာနယ်လို အထိအတွေ့ အရသာတွေ ကင်းမဲ့လွန်းပါရဲ့။
ငါ့လက်နဲ့ မင်းရင်သားတွေကို ပွတ်သတ်တဲ့အခါ တင်းရီလာနေကျ လည်တိုင်ကြောကလေးတွေ တင်းမလာတော့မှ ငါ့ခေါက်ခဲ့ တံခါးခေါက်သံကို မင်းကြောက်လန့်နေခဲ့ကြောင်း သတိထားမိပေါ့၊
အခုတော့လည်း ကင်ဒီရယ်....
ဝေးကွာခြင်းကို သံသရာနဲ့ မြှောက်သလိုမျိုး မင်းကြယ်သီးတွေအထဲ ဝင်ပုံးနေခဲ့တာတောင် မင်းသိအောင် ကိုယ်ပြောမပြနိုင်ခဲ့ဘူး......
K-ဒါရ