ပန်းပုဆရာ

ပန်းပုဆရာ
----------

အချစ်နဲ့ပတ်သတ်ပြီး ပြောစရာဆိုလို့
ရင်ကွဲနာကျတယ်။

တကယ်ဆို မီးဖုတ်ပြီး ပုံသွင်းထားတဲ့
သံသားနှင်းဆီပဲ။
ငါ့ယုံကြည်မှုနဲ့ စကျင်ကျောက်သားကို
ငါထုဆစ်၊
ငါ့ဆောက်ရှာနဲ့ ယမင်းရုပ်ဟာ ငါ့ကိုပြန်ထွင်းဖို့ နှုတ်ခမ်းကို အလှဆုံးပြုံးတယ်။

မျက်လုံးတွေကို ဖောက်ထုတ်ပြီး
ဂြိုလ်ရှစ်လုံးဆီကို ဆက်ကပ်တယ်
စိတ်နဲ့တူသော အရုပ်တို့
နေထွက်ခြင်း၊နေဝင်ခြင်း
ကတ္တရာလမ်းနဲ့ နျူးကလီယားဓာတ်ပေါင်းဖို
ဘာကိုမှ ငါမမြင်ရတော့ဘူးပဲ။

အချစ်ပေးရင် အချစ်ပြန်ပေးပါလို့
အရင်းရှင်ဆန်ဆန် ငါမတောင်းဆိုဘူး။
အချစ်နဲ့ဖန်ဆင်းလို့ နှင်းဆီတစ်ခင်းလုံး
နီရဲတဲ့အထိ
ငါ့သွေးနဲ့ဖြန်းပက်တယ်
ငါ့အနာဂတ်ကိုရက်ရောတယ်။

တုံ့ပြန်မှုဟာ အေးတိအေးစက်
တုံ့ပြန်မှုဟာ ရေခဲတိုက်ထဲက
အူစိန်ဘော့ဂ် ခြေထောက်များ-
ပြဒါးပြယ်မှန်/
ပဲတင်မဲ့ လှိုင်းခေါင်း/
ဂျင်းထည်မရှိတဲ့ဆောင်းရာသီ။

အငွေ့ရှုရှိုက်ရင်းပဲ
နှင်းဆီကို တစ်ခင်လုံး ခြံခတ်ခံလိုက်ရ။

သေနေတဲ့ကံဟာ
အသံတိတ်ကျဉ်ဆန်တစ်တောင့်လို
ဖောက်ဝင်တယ်
ပန်းပုရုပ်ဟာ ငါ့နံရိုးကို အစွယ်လုပ်ပစ်တယ်
အချစ်ဆိုတာ ဖုတ်သွင်းရထားကိုပါ
ကျင်ငယ်စွန့်တာပဲ။

ကမ္ဘာစောင့်နတ်တွေ အိပ်ရေးဝဝအိပ်တယ်။

မဏိမေခလာဟာ ငါ့နှာမည်ကို
မသိဘူး။

ကာလနဂါးသေဆုံးကြောင်း သတင်းပါပြီးနောက်
ဘုရားဟာလောင်းဟာ တစ်ခြားကမ္ဘာကိုရှာတယ်။

အချစ်ဆိုတာ
မြားကျဉ်တောင်ဖြစ်မဲ့ ဝါးဆစ်။
ဝါးကို ဝါးနဲ့ ခနခန ထိုးဆွခံရတယ်-

အချစ်ဆိုတာ သူတောင်းစားရဲ့ ကော်ခွက်
မြေကို နာနာရိုက်တာတောင်
ဝသုနြေ္ဒဟာ ဂရုစိုက်ဖော်မရဘူး။

မျက်လုံးတွေမရှိတော့တဲ့အခါ
ရေတံခွန်ဖြစ်ဖြစ် တံလျှပ်ဖြစ်ဖြစ်
ငါ့ဟာ ခုံဆင်းပစ်တာပဲ။

ပန်းပုရုပ်ဟာ လူလားမြောက်ပြီး
ငါ့အနာဂတ်ကို ချဉ်ခြင်းတတ်တယ်ဆိုပဲ။

ဘယ်လိုအရူးစာရင်မျိုးထဲ ငါ့ကိုထည့်ထည့်
အိပ်မွေ့ချခံထားရတယ်လို့ ငါ့ကိုစားပြောပေးပါ။

ငါဟာ ပန်းပုဆရာတစ်ယောက်ပါပဲ။
ငါ့ကို ပန်းပုရုပ်က ပြန်ထုဆစ်လိုက်တယ်။
ငါ အိပ်မွေ့ချခံထားရတယ်လို့ ငါ့ကိုယ်စားပြောပေးပါ။

K-ဒါရ