=======================
March
----------ကျော်ဇောခိုင်
ငါးစာက ငါးထက်ပိုများတဲ့
တံလျပ်တွေထဲ
အခြားအာရုံများလည်း တောက်ဖို့ လောင်ဖို့
လွယ်နေ။
သစ်ရွက်ကြွေသော ရာသီဥတုနှင့်
ကံကော်ပွင့်၏ ပူပြင်းသော အနံ့အသက်များ
လက်ခံမယ့်သူ မရှိတဲ့
တယ်လီဖုန်းမြည်သံတစ်ခုလို
ဥသြငှက်ရဲ့အော်မြည်သံဟာ
လေမှာ တန်းလန်း ။ ။
(၂၀၀၀)
**************************************************
လေဆိပ်
----------ကျော်ဇောခိုင်
လူတစ်ယောက်ရဲ့အလိုဆန္ဒဟာ
အခြားလူတစ်ယောက်အတွက်လည်း
အကောက်ခွန်မဲ့ကုန်ပစ္စည်းသာ ဖြစ်သင့်တယ်။
အန္တရာယ်ကင်းချင်သပဆိုရင်
ခါးပတ်ကိုယ်စီပတ်ထား
စီးကရက်မီးတွေလည်း ငြိမ်းထား။
ဘ၀ဆိုတာ
အလိုရှိရာ အမြင့်ပေကို
မိမိကိုယ်ကို မတင်ခြင်းပဲ တဲ့။
......တိမ်တွေ ရှိရာ ငါ...ရောက်ရှိခဲ့ပြီ ဆိုပါစို့........။
သင့် နုပျိုခြင်း
သင့် မေ့လျော့ထားခဲ့ခြင်းတို့ဧ။်
ဝေးကွာမှုန်ဝါးသော အာက်ခြေမှာ......။ ။
**********************************************
အင်းလျား
-------------ကျော်ဇောခိုင်
ကလေးတွေက
ငါ့ခြေ ငါ့လက်ပေါ်မှာ
အိပ်မက်တွေကို စွန့်ပစ်
ဘ၀အစစ်ရှိရာကို
ပျံသန်းသွားကြသတဲ့......။
ငါနဲ့အတူ ကောင်းကင်ပက်လက်
ရွက်လှေနှင့် သက္ကရာဇ်တို့
ငါ့ခန္ဓာကိုယ်ပေါ်နဲ့
ရင်ထဲ စီးဆင်းသွာ။...........။
*****************************************************
လက်ကောက်ဝတ်နှင့် ပန်းပွင့်များ
--------------------------------- ကျော်ဇောခိုင်
အခု ငါ့လက်ကောက်ဝတ်ပေါ်
ဆောင့်တိုးနေတဲ့သွေးဟာ
အခု ငါမြင်နေရတဲ့ပန်းပွင့်ပဲ
အခု ငါရှုသွင်းခဲ့ရတဲ့လေပဲ
အခု ငါ့ကိုယ်ပေါ် ဖြာကျနေတဲ့နွေဥတုပဲ
ပြီးတော့
ငါ မစိုက်ပျိုးခဲ့တဲ့
ကောက်ပဲသီးနှံဆိုလည်း ပြောဖြစ်ရဲ့။
လောကဓံတရားရဲ့
ရှစ်ကြိုးတပ်ဂီတမှာ
ငါတို့ ဆိုကခွင့် ရခဲ့ပြီ။
တစ်ယောက်ခြေထောက်ကို
တစ်ယောက် မနင်းမိဖို့ပါ
ကိုယ့်လူတို့ရဲ့
အရှိန်ကလေး နည်းနည်းရလာပြီဆိုရင်
ဖိဖိပြီးနင်းချရ
စိတ်ကူးယဉ်လှချည်လား တဲ့
တာယာတွေလည်း ပါးပေါ့
ပြောသလို မလွယ်လို့
လွယ်သလိုပြောမိခဲ့ရင်
ကိုယ့်ကိုယ်ကိုယ် သစ္စာမဲ့ရတာ
ပျော်စရာကောင်းသလား
ကျွန်တော်တို့ရဲ့ကန္တာရမှာ
တံလျပ်ပန်းတွေ လှပခဲ့ပုံက
အမြဲလိုအသက်ရှုမှားရတယ်
မသေချာနိုင်တာမှာ မနက်ဖြစ်ဖြစ်
တိုးမြစ်ပေါ်က တောမြို့လေးနဲ့
မေမေရှိရာ အရိပ်ခိုနိုင်ခဲ့ပုံ။……..။
*****************************************
မိုး
----------------- ကျော်ဇောခိုင်
ဖွင့်ထုတ်ထားတဲ့ လှို့ဝှက်ချက်တွေ
မိုးခြိမ်းထစ်သံများ
ခေတ်နဲ့ ကျွန်တော်တို့ ဒီအတိုင်း ရင်ချင်းအပ်မိရာ
အသံမထွက်ဘဲ
သူမက ရွာချခဲ့တယ်။
ဝါကျတွေထဲ လည်ချောင်းတစ်ခုလုံး တစ်ခံ
ပခုံးသားများ သိမ့်သိမ့်
ဒါလည်း လေးပင်စေဖို့ပဲ မဟုတ်လား
အကြည့်တွေကို မိုးရေထဲ ပစ်ချထားရတယ်။
တိမ်းရှောင်ဖို့ လွတ်နိုင်ခဲ့လည်း
ကိုယ်တိုင်က မလုံခြုံသူမို့
သေချာတာနဲ့ပဲ ရွဲရွဲစိုစေခဲ့တာပါ။………….။
***********************************************************
ကကြိုး
-------------- ကျော်ဇောခိုင်
ငိုသံကို ဇောက်ထိုး ဆွဲထုတ်ခံရ
ဇာတ်လမ်းအစက ရိုးစင်းရက်စက်တယ်။
ပြင်းထန်၊ လှုပ်ရှား
သေခြင်းနဲ့ လမ်းမမှားအောင် ငြင်းဖို့
ခြေသံတွေ ကိုးကျင်းကိုးသောင်း
ဘယ်ပုံတပ်မက်ဖွယ်ရှိပါလိမ့်
ဘ၀က သူ့အားနည်းချက်ကို မက်လုံးပေးတယ်။
စာအုပ်ထူထူအေးစက်
အသက်အမြှင့်ရှုရင်း ငြိချင်ချင်
ရှေ့က လာတဲ့ အမျိုးသမီးရဲ့ဟွန်းသံ
ကျောမကျမီ
သီချင်းဆိုရန် ၊အစာစားရန်
ငါနည်းတူ ၀ါးလုံးထိုးပျံသန်းနေသော နှုတ်ခမ်းများ
ငါတို့ချင်း ကန့်လန့်ဖြတ် ပွတ်ဆွဲမိသော အရိပ်များ
လေတိုက်တဲ့အတိုင်း
ဒုက္ခထဲ စိတ်ကို ချည်ြပီး တိုးမိရာက
ယနေ့မျက်နာသစ်ပြီးလျှင်
ယနေ့ပြန်တင်းရန်ရှိသော သံပတ်များ။…….။
****************************************************
ပိရမစ်သို့ နှစ်ပေါင်း (၁၀၀)
-------------------ကျော်ဇောခိုင်
ရိက္ခာ၊၀န်စည်နှင့်
ငြိမ်သက်ကုလားအုပ်များ
မုန်တိုင်းကို ရင်ဆိုင်ရင်း
သူ့ခွန်အားကို ငါ ရခဲ့။
ကန္တာရ ၊တံလျပ်နှင့်
သဲပင်လယ်က ခေါ်တဲ့ ရုပ်ပြောင်းရုပ်လွှဲ
ငါ့ကိုယ်ငါ နှစ်ကိုယ်ခွဲခဲ့ရ။
ခရီးအဆုံးမှာ
သင်္ကေတဆန်သော အဆောက်အအုံများ
သေခြင်းတ၇ားရဲ့မာကျောခိုင်ခံမှု..။
နေ့တွေက တစ်ဆင့်
မိမိကိုယ်ကို ဆေးစီရင်ခဲ့ကြ။….။
ကျော်ဇောခိုင်
*************************************************
မွေးနေ့ကိတ်
---------------ကျော်ဇောခိုင်
သင်ဟာ ကိတ်မုန့်ရဲကဘယ်အစိတ်အပိုင်းဖြစ်ခဲ့သလဲ
ရထားထွက်ပြီး စက္ကန့်အနည်းအငယ်အကြာ
ရှုခင်း၊တောမြေနှင့်
ယနေ့ခေတ်မစားတော့သော ဆင်ခြေတုံတရားကို
ကွဲပြားရတယ်။
ပြတင်းပေါက်များ ချိတ်ဆက်ပြောင်းလဲရာ
ပန်းပွင့်ပေါ် ရေစက်တင်တာ
ဖန်ခွက်၊မှန်ချပ် ၊နှလုံးသား အစရှိသဖြင့်
ကွဲရှလွယ်သော အရာဝတ္ထုတစ်ခု ပြုတ်ကျသံ
ငှက်များ ရုတ်တရက် အတောင်လန့်ခတ် ထပျံ
လောက၊ ဆေးရောင်စုံမြင်ကွင်း ကျယ်ပုံ
မဆန်းကျယ်လှတော့
ရေပိုက်ဖွင့်သလို ဇစ်ပိတ်သလို
ယခုအဖြစ်နှင့် အပျက်အကြား
အလင်းရောင်နှင့် ပူလောင်မှုနှင့်
ရှေ့က ဖယောင်းတိုင်မီးကို ငါငြိမ်းပြီ..။. ။
ကျော်ဇောခိုင်
********************************************
ကန်ရေလွင်ပြင်
----------------------ကျော်ဇောခိုင်
လွင်ပြင်ထဲ
ကိုယ်မရည်ရွယ်ဘဲလွှတ်ခဲ့သည့်အသံ
မြက်အရိုင်း ပန်းဝတ်ဆံ
ခု ကန်ရေပြင်ပေါ်
ကိုယ့်အတွေးနဲ့ တင်ကြည့်နေတာ
ရွက်လှေလား ကြာပန်းလား
လှိုင်းလား ။ ။
ကျော်ဇောခိုင်
**********************************************************************
ဆက်သွယ်ခြင်း
-----------------ကျော်ဇောခိုင်
အိမ်အောက်မှာ
ရေဟာ ပိတ်မိသွားပြီး
ယောင်ကိုင်းလာတယ်။
အံ့သြဖွယ်နွယ်ပင်များ
အခြားကွက်လပ်များနဲ့
ကစားကွင်းဟာ အပြည့်။
ငါ့ကြက်ဥနဲ့
ဒီဂေါက်သီးကို ထုချင်
စိတ်လေလွင့်သောအခါ
မြက်နဲ့ ငါးကို အလှမွေးချင်။
ငါ့ကိုယ်ငါလည်း
ဆက်သွယ်လို့ မရသေး။
ဧည့်ခန်းထဲ
ငါ မတီးတတ်သော စန္ဒယား
ငါ နားမလည်သော ပန်းချီကား။
အခုမေးခွန်းကို
ခင်ဗျားဆီ ပို့လိုက်ပါတယ် ။
******************************************************
အဝေးက မြစ်များ
-----------------------------ကျော်ဇောခိုင်
လွန်ခဲ့သော နှစ်များက
ငါ့ကိုယ်ပေါ် ဖဲကြိုးအပြတ်စတွေ ပစ်ချ
ခုချိန် အိုကြီးအိုမ သံဝေဂနဲ့ တံတား
သူ့တရားလည်း ငါ မနာနိုင်တော့…..။
သင်္ဘောတွေ အပျော်ခရီးထွက်မှ
ဘီယာဗူးခွံလွတ်ခွက်ကပ်နဲ့
ငါနဲ့ ဗေဒါမတွေ လွတ်လပ်
ကခုန်ဖို့ ကြံတုန်း
“စိုးရိမ်ရေမှတ်..”တဲ့…..
ထမင်းဟင်းကျန်သတင်းစာစက္ကူတစ်ပိုင်းပြတ်မှာ…..။
မျက်လှည့်…
ဖိုင်အဟောင်းထဲက
ငါးအသစ်တွေ ထွက်ကျလာတဲ့မျက်လှည့်
ငါ ပြန်ရခဲ့တာဆိုလို့
အညစ်အကြေး ၊အကြေးခွံနဲ့ သွေးစက်…။
ငါ့အင်အားကို ပိတ်ဆို့ပြီး
မျက်မမြင်မြို့ရဲ့
ဝါယာကြိုးတွေထဲ မောင်းပို့တယ်
ငါ့ညတွေဟာ မဲနက်အေးစက်…။
သူ့နာကျည်းချက်နဲ့ သူ
မြစ်တွေ ပင်လယ်ဆီ ရောက်ပြီဆိုရင်
ပြန်မလာတော့……………။
No comments:
Post a Comment