ဂျပန်မောဒန်ကဗျာများပေါင်းချုပ်(၃)
(မြန်သန်းတင့်၊ သစ္စာနီ၊ ဇေယျာလင်း)
မိန်းမပျက်ရဲ့တေး
------------------------
စစ်ကြီးပြီးတဲ့နေ့
မီးလောင်ကျွမ်းပြီး ကျပ်ခိုးတွေပေနေတဲ့
လမ်းထောင့်တွေမှာ
မကြေညာဘဲ မင်းတို့ရောက်နေလေရဲ့
မင်းတို့ကို ငါ မြင်လိုက်တယ်လေ
ဟိုဟိုဒီဒီလမ်းသလားလို့ ။
မင်းတို့
မင်းတို့ရဲ့ အိုရန်းအူတန်အမွှေးမှာ
ဆေးတွေလိမ်းလို့
မင်းတို့မျက်နာတွေ ပေါင်ဒါထူထူဖို့လို့
ကြွေရည်သုတ်ထားတဲ့
နောက်ဖေး အိုးလိုဖြူလို့
ဆိုက်ပန်ဒိုင်းလွှားပေါ်က မျက်နာဖုံးအတုရဲ့
ပုံသဏ္ဍန်
မင်းတို့မျက်ခုံးမွှေးတွေနဲ့
မင်းတို့နှုတ်ခမ်းတွေကို
ပြန်ရေးလို့ ။
မင်းတို့ ဘယ်ကလာကြလေသလဲ
ဒါမှမဟုတ် ရှည်ကြာတဲ့စစ်ပွဲကြီးအတွင်းမှာ
ဘယ်ဆီများ ရှောင်ပုန်းနေခဲ့ကြသလဲ
ဘယ်လိုလုပ်ပြီး ဒီလောက်မြန်မြန်ကြီး
ရုပ်-ပြောင်း ရုပ်လွဲနိုင်ကြသလဲ
ဂူသင်္ချီုင်းတွေ အောက်ထိတောင်ကြားရတဲ့
ဂျက်ဇ်တေးဂီတသံတွေ ပေါ်ထွက်ရာ
အပျက်အစီးတွေ ကြားထဲက
လမ်းမတွေပေါ်မှာ
ယောကျာ်းတွေရဲ့လမ်းမောင်းကို ချိတ်ပြီး
လမ်းလုံးပြည့်လျှောက်လို့
မင်းတို့သွားနေတာဟာ ပန်းတိုင်ဆီကိုလား
အကယ်၍ ဒါကို ပန်းတိုင်လို့
ခေါ်လို့ရရင်ပေါ့လေ။
လူတွေက အထိတ်တလန့်နဲ့
မင်းတို့ကို ကြည့်ကြတယ်
မင်းတို့သွားရာကို
မျက်လုံးတွေက လိုက်နေတယ်
ချောက်ချားနေတဲ့မျက်လုံးတွေ
သညာကင်းပြီး ကျုံ့ဝင်နေတဲ့
မျက်လုံးတွေလေ ။
မင်းတို့တတွေ
မဟုတ်တမ်းတရား အပြောခံရတဲ့
အညစ်အပတ်အပြောခံရတဲ့
အကြင်နာကင်းတဲ့
ပြတ်လုံးတစ်ခုအဖြစ် ခံနေရတဲ့
မင်းတို့တတွေ
ဒါပေမယ့် မင်းတို့တတွေဟာ
ပြတ်လုံးထုတ်စရာ မဟုတ်ဘူးဆိုတာ
ငါ ချက်ချင်းသဘောပေါက်လာတယ်
မင်းတို့ကို ကြည့်ပြီး
ငါထိတ်လန့်သွားချင်တယ်
မင်းတို့ကိုလည်း ထိတ်လန့်သွားချင်တယ်
စိတ်မပါ့တပါ လူသားဝါဒ
စာပေနဲ့ ဇီဇာကျယ်ပြီး ဗျာများတဲ့ နိုင်ငံရေး
ဟိတ်များတဲ့ သဘောတရားတွေ
ဒါတွေအားလုံး အသံတိတ်သွားအောင်
မင်းတို့တတွေကို
ထိတ်လန့်စရာတွေ ဖြစ်လာစေချင်တယ်။
ဟော….ကြည့်စမ်း
သူတို့ကို တွေ့ရပြန်ပြီ
ဘူတာရုံနားမှာ သူတို့တသိုက်
ကွဲကြေနေတဲ့
လမ်းဓာတ်မီးပွင့်တွေအောက်မှာ
သူတို့တတွေဟာ
နိုမျက်နာဖုံးတွေလား
ငိုနေတဲ့ လူအိုကြီးတွေလား
ငါ့ကို ကြည့်နေတဲ့
မီကင်ဇာကူ မျက်နာဖုံးတွေပဲလား
ဖိနပ်ထဲ ထိုးသိပ်ထားတဲ့ ဒုးခေါင်းတွေ
စည်းဝိုင်းတွေ စိန်ပြောင်းတွေ
မင်းတို့ကိုကြည့်ရင်း
အဲဒါတွေကို ငါ ပြေးသတိရတယ်
မင်းတို့တတွေ
မင်းတို့ရဲ့သွေးနီရောင်နှုတ်ခမ်းတွေ
ချက်စတာဖီးလ်ကို ဖွာလို့
ချူးအင်းဂမ်းကို ၀ါးလို့
မိန်းမပျက်တစ်ယောက်ရဲ့
ပါဒစပ်ဟပြဲ သမ်းဝေခြင်း
နီရဲတဲ့ ၀လုံးတစ်လုံး
အဲဒီဝလုံးထမှာ မိုက်လိုက်တဲ့အမှောင်ထု
အသားလို နီရဲတဲ့ အမှောင်ထု
မှဲ့ပြောက်တွေ စွန်းနေတဲ့ အသားဝါ၀ါရယ်
ပွန်းနေတဲ့ဒူးတွေရယ်
ယောက်ျားတွေက လှည့်ကြည့်ကြတော့
မျက်လုံးတွေကို သူ လိုက်ဖမ်းတယ်
အင်္ကျီလက်တွေကို လိုက်ဆွဲတယ်
သူ သမ်းဝေတော့
သူ့သမ်းဝေမှုဟာ
လူတစ်ယောက်လုံးကို မျိုလို့ရတယ်
သူ့သမ်းမှေုလောက် ဟပြဲတဲ့
ဗုံးကျင်းရာဆိုလို့
ဂျပန်ပြည်မှာ တစ်ခုမှမရှိ
စကားလုံးတွေ ဖောင်းပြီး
ငြီးငွေ့ဖွယ်ကောင်းတဲ့
လွှတ်တော်မိန့်ခွန်းတွေ
စစ်ရာဇ၀တ်မှုနဲ့ လစ်ဘရယ်ဝါဒ
ဒါတွေအားလုံးဟာ
အဲဒီမိန်းမပျက်ရဲ့သမ်းဝေမှု
ချောက်ကမ်းပါးကြီးထဲ ကျသွားတော့
လှိုင်းတွန့်ကလေးတစ်တွန့်သာ
ဖြစ်သွားတယ်။ ။
ကာနေကို-မစ်ဆုဟရု
မြန်မာပြန်-မြသန်းတင့်
#####################
ရေခဲမြစ်
-------------------
ရှားပါးတဲ့ပန်းတွေကို ကြည့်ရင်း
နေ့ဟာ မှောင်မည်းလာပြီ ။
ပန်းတွေရဲ့တစ်ဝိုက်မှာ
လေဟာ ပိုပိုပြီး အေးလာတယ်
ညလိပ်ပြာတစ်ကောင်တစ်လေတောင် မရှိဘူး။
ဘယ်ကမှ စာမလာဘူး။
ဆောင်းဦးရာသီညများ။
ပိုးကောင်တွေရဲ့အော်မြည်သံ
ရေလိုစီးဆင်း ။
ညထဲမှာ ပိုးကောင်တွေ အော်မြည်နေတဲ့အသံဟာ
ဘာကို ဖွေရှာနေတာလဲ ။
ငါ့ထဲ စီးဝင်လာပြီး
အဆုံးမှာ ရေခဲမြစ်တစ်စင်း ဖြစ်သွားတယ်။ ။
ရှီဂေဂျီ ဆူဘိုအိ။
မြန်မာပြန်သူ-ဇေယျာလင်း
##################################
အတိတ်
ငါ….နောက်ပြန်ကြည့်သောအခါ
အိုဟောင်းနေတဲ့ယက္ကန်းအခန်းကို မြင်ရတယ်။
(အဲဒါ ငါ့အမေ ယက္ကန်းခတ်တဲ့အခန်းပဲ)
ငါ….နောက်ပြန်ကြည့်သောအခါ
ယက္ကန်းခတ်တဲ့အသံကို ကြားရတယ်။
(ငါ့အမေဟာ အဲဒီအခန်းမှာ ယက္ကန်းခတ်နေခဲ့တယ်)
ငါ….နောက်ပြန်ကြည့်သောအခါ
ကြီးမားတဲ့အိမ်ကြီးတစ်အိမ်ကို မြင်ရတယ်။
လယ်တောကို မြင်ရတယ်။တောင်တန်းကို မြင်ရတယ်။
(အဲဒီအိမ်မှာ ငါ့အမေကို မွေးခဲ့တယ်။
အဲဒီရွာမှာ ငါ့အမေကို မွေးခဲ့တယ်)
ငါ….နောက်ပြန်ကြည့်သောအခါ
ခေါင်းလောင်းထိုးသံကို ကြားရတယ်။
(အဲဒါ လွန်ခဲ့တဲ့အနှစ်သုံးဆယ်က ညနေခင်းပဲ။အချိန်ဆိုတာ…
အဆက်မပြတ်ဖြစ်ပေါ်နေတာနဲ့ ရပ်တန့်နေတာပဲ)
ငါ….နောက်ပြန်ကြည့်သောအခါ
တောင်က အုပ်မိုးနေတဲ့ပင်လယ်ကို တွေ့ရတယ်။
(အဲဒါဟာ ငါ့အမေရဲ့ဂူသင်္ချိုင်းနေရာပဲ)
ငါ….နောက်ပြန်ကြည့်သောအခါ
လှိုင်းပုတ်ခတ်သံကို ကြားရတယ်။
( ငါ့အမေနဲ့အတူ ပင်လယ်ခရုခွံတွေ ကောက်ခဲ့တယ်)
ငါ….နောက်ပြန်ကြည့်သောအခါ
ငါ….နောက်ပြန်ကြည့်သောအခါ
ငါ့မှာ…အဆုံးအစမဲ့အချစ်တွေ ပြည့်လျှမ်းနေတဲ့အခါ
နှုတ်ဆက်ပါတတယ်လို့ ပြောပါရစေ ။
(ကျွန်တော်တို့လည်း မလွှဲမသွေ သွားကြရမှာမို့
တခြားလူတွေ ခွင့်ပြုလိုက်ကြပါစို့)
အိုယီ
မြန်မာပြန်သူ-သစ္စာနီ
###################################
လျှပ်စစ်ရထား
-----------------------
လက်ကိုင်ကြိုးကွင်းမှာ တွယ်ချိတ်နေတဲ့လူတစ်ယောက်
ထိုင်ခုံတစ်ခုပေါ် ထိုင်နေတဲ့ လူတစ်ယောက်
ရထားယိမ်းရာ လိုက်ယိမ်းနေတဲ့ လူတစ်ယောက်
ထိုင်းမှိုင်းစေတဲ့ လျှပ်စစ်မီးရောင်အောက်မှာ
ဘယ်သူ့ကို ဘယ်သူကမှ မသိ
ကိုယ်ဆင်းသွားတဲ့ဘူတာကိုလည်း ဘယ်သူမှ ဂရုမစိုက်
ဘူတာကို ကျော်သွားပြီးမှ
လမ်းကူးပြန်စီးခဲ့ရတာ အကြိမ်ကြိမ်
ကိုယ့်ကိုယ်လည်း ဘယ်သူမှန်းမသိတော့။
သင်ရဲ့ ပင်ပန်းနုံးချည့်နေတဲ့ လည်စီး
အဲဒီလည်စီးရဲ့အထုံးထဲမှာ
သင် မသိတဲ့အရာတစ်ခု ပုန်းအောင်းနေတယ်။
ရက်ပေါင်းများစွာ ပေါလစ်မတိုက်ရသေးတဲ့ ဖိနပ်ဟောင်း
ဟောင်းနေတဲ့ ခွာထဲမှာ
သင့်ကို စိတ်အနှောင့်အယှက်ဖြစ်စေတဲ့ အရာတစ်ခု
ပုန်းအောင်းနေတယ်။
သေချာစဉ်းစားကြည့်ရင်
အဲဒီအရာကို သင် သိလာလိမ့်မယ်။
သင့်အလောင်းကို မီးရှို့နေတဲ့
မီးခြစ်ဆံတစ်ချောင်းရဲ့ မီးတောက်ထဲမှာ
အဲဒီအရာ ပုန်းအောင်းနေတယ်။ ။
မာဆာအို နာကာဂိရိ
မြန်မာပြန်သူ- ဇေယျာလင်း
###########################
ငှက်တစ်ကောင်ရဲ့တီးတိုးသံ
-----------------------------
အိပ်ယာက ထ,ပါတော့ ပန်းများ
သင့် ပန်းတခေါင်းထဲက ရေဟာ
တစ်ဝက်လျှော့နေတာ တွေ့ရလိမ့်မယ်။
အိပ်ယာက ထ,ပါတော့ ဓာတ်တိုင်များ
ရှည်လျားတဲ့ သင့်ရဲ့လက်တံများ
တစ်ဝက်ပွန်းစုတ်နေတာ တွေ့ရလ်ိမ့်မယ်။
အိပ်ယာက ထ,ပါတော့ ပန်းများ
မင်းအကြောင်းကို မေ့လျော့နေတာ ကြာပြီဖြစ်တဲ့
မင်းက ဆင်းသက်ပေါက်ဖွားလာသူတွေကို
တွေ့ရလိမ့်မယ်။
အိပ်ယာက ထ,ပါတော့ လှိုင်းများ
သင် ဘာတွေ မြိုချခဲ့တယ်ဆိုတာ တွေ့ရလိမ့်မယ်။
အိပ်ယာက ထ,ပါတော့ ကမ္ဘာမြေကြီး၊
မင်းရဲ့ဝမ်းဗိုက်ထောင့်ထဲကို ဖိတ်ကျခဲ့တဲ့
သွေးတွေဟာ
ဘယ်လောက်အဖိုးထိုက်တယ်ဆိုတာ
မင်း တွေ့ရလိမ့်မယ်။ ။
(ကီတာဂ၀ါ)
မြန်မာပြန်-သစ္စာနီ
ညဘက်ပျံသန်းခြင်း
----------------------
ကလေးငယ်ရဲ့ချောင်းဆိုးသံ
သူ့အဖေက စိတ်မသက်မသာ
(အဆက်မပြတ် မြည်နေသော အင်ဂျင်စက်သံ)
ကလေးငယ်ရဲ့ချောင်းဆိုးသံ
သူ့အဖေက စိတ်မသက်မသာ
(အဆက်မပြတ် မြည်နေသော အင်ဂျင်စက်သံ)
ကလေးငယ်ရဲ့ချောင်းဆိုးသံ
သူ့အဖေက စိတ်မသက်မသာ
(အဆက်မပြတ် မြည်နေသော အင်ဂျင်စက်သံ)
ကလေးငယ်ရဲ့ချောင်းဆိုးသံ
သူ့အဖေက စိတ်မသက်မသာ
(အဆက်မပြတ် မြည်နေသော အင်ဂျင်စက်သံ)
ကလေးငယ်ရဲ့ချောင်းဆိုးသံ
သူ့အဖေက စိတ်မသက်မသာ
(အဆက်မပြတ် မြည်နေသော အင်ဂျင်စက်သံ)
ကလေးငယ်ရဲ့ချောင်းဆိုးသံ
သူ့အဖေက စိတ်မသက်မသာ
(အဆက်မပြတ် မြည်နေသော အင်ဂျင်စက်သံ)
ကလေးငယ်ရဲ့ချောင်းဆိုးသံ
သူ့အဖေက စိတ်မသက်မသာ
(အဆက်မပြတ် မြည်နေသော အင်ဂျင်စက်သံ)
ယာမာမူရာ
မြန်မာပြန်သူ-သစ္စာနီ
########################
အပြေးသမား
----------------
ငါငယ်ငယ်တုန်းက
မကြာခဏပဲ ပြေးသွားဖို့မလိုပေမဲ့
ပြေးသွားစရာနေရာမဟုတ်ပေမဲ့
ငါဟာ ပြေးသွားတတ်တယ်။
ငါပြေးနေတဲ့အခါ ပီတိဖြစ်တယ်။
ငါ့အသည်းနှလုံးထဲမှာ
အင်ဂျင်တစ်ခု ခုတ်မောင်းနေသလိုပဲ ။
အခုလည်း….
ငါ စီးမဲ့ရထားနဲ့ လွဲမှာစိုးလို့
ငါနောက်ကျမှာစိုးလို့
ငါ ကတိဖျက်ရာ ရောက်မှာစိုးလို့
မကြာမကြာ ငါပြေးရတယ်။
ဖိုလှိုက်မောပန်းလို့ ၊အားဖျော့နွမ်းလျလို့
အခုတော့ အဲဒီကတီတွေအားလုံးက
ငါ့ကို ဆွဲခေါ်တယ် ဒရွတ်ဆွဲခေါ်တယ်။
ငါ့အသည်းနှလုံးထဲမှာ
အခုတော့ ဘာလှုပ်ရှားမှုမှ မရှိတော့ပါလား။ ။
(ဆူဂျီယားမား)
မြန်မာပြန်သူ-သစ္စာနီ
###########################
မိမိကိုယ်မိမိ သေကြောင်းကြံစည်ခြင်း
--------------------------------
ငါ့မှတ်ဥာဏ်ဟာ
အသားဈေးထဲက အသားတွေထက် နီရဲပြီး
ငါ့အတိတ်ဟာ
ကြွေအိုးပေါ်က ပန်းပုံဖော်ထားသလိုပါပဲ
တိကျပြီး တစ်ချိန်တည်းမှာ အလွန်အကျွံ အသေးစိပ်၇ဲ့။
ဒါပေမယ့်ဒီလိုခွန်အားကျဆင်းနေခြင်းအခြေအနေဟာ
ဘယ်လိုဆင်ခြင်မှုမျိုးက လာသလဲ။
တိတ်တိတ်ဆိတ်ဆိတ်ပဲ
သေနတ်ပြောင်းဝကို ငါ့နားထင်မှာ တေ့ပြီး
မောင်းကို ဖြုတ်ချလိုက်ဖို့ ကြိုးစားတယ်။
ငါ့ခန္ဓာကိုယ်တွင်းထဲ ခါးသက်တဲ့ သကြားလုံးတွေ ၀င်သွားပြီး
ငါ့နောက်ကွယ်က စင်ပေါ်က
အလှပြပစ္စည်းတစ်ခု ကျကွဲသွားတော့တယ်။
ဒါပါပဲ
တကယ့်ကို ဒါလောက်လေးပါပဲ။
ကမ္ဘာတစ်ခုရဲ့ ကျိုးပဲ့နေတဲ့ အပေါက်သေးသေးလေးတစ်ခုကနေ
အ၀ါရော် မီးခိုးငွေ့ထွက်လာတယ်။
ဘ၀ဆိုတာဟာ နောက်ဆုံးတော့
လေးလံခေါင်ခိုက်တဲ့ ကဗျာဆန်ဆန် မာခဲမှုလား။
ဒါပေမယ့်လည်း
အ၀တ်စတစ်ခုရဲ့ ထုတ်ပိုးထားတဲ့
ကျိုးပဲ့နေတဲ့ အရုပ်တွေရဲ့ အစအနတွေလဲ
ဒီလိုပါပဲလေ
ပြီးတော့ ဒီလိုပဲ ရုတ်တရက် မှောက်လျက်လဲကျသွားတာပဲ။
ဘယ်သူကမှ ထာဝရ သုဘရာဇာလို မလာကြပါဘူး။
အချိန်တစ်ခုပြီးဆုံးသွားတဲ့အခါ သော့ခလောက်ကို ဖွင့်ပြီး
နောက်ထပ်အ၀တ်နဲ့ ထုပ်ပိုးထားတဲ့ အထုပ်တစ်ထုပ်
ဟိုဒီကြည့်ရုံသက်သက် ရောက်လာတော့တာပဲ ။ ။
( ရှီရို မူရာနို )
မြန်မာပြန်-ဇေယျာလင်း
#######################
ကျောက်တုံး
-------------------
ကျောက်တုံး
တိတ်ဆိတ်ငြိမ်သက်စွာ
နှစ်သန်းပေါင်းများစွာ
အသက်ရှင်နေထိုင်ဆဲ ။
အဲဒီအတောအတွင်းမှာပဲ
ကောင်းကင်ကတော့
အခါပေါင်းများစွာ ကြည်လင်လိုက်
အခါပေါင်းများစွာ မှိုင်းအုံ့လိုက်နဲ့ ။ ။
(ဆူဘိုအီ)
မြန်မာပြန်-သစ္စာနီ
#############################
ပိုးလောက်လန်း
အခန်းတစ်ခန်းထဲမှာ အကျဉ်းကျနေတုန်းက
ငါ လ,ထွက်တာကို မသိတော့ဘူး။
မြေတိုက်ခန်းထဲကို ရောက်နေကတည်းက
ငါ ,နေထွက်တာကို မသိတော့ဘူး။
ခေါင်းငိုက်စိုက်ချကာ လမ်းလျှောက်လာကတည်းက
ငါ ,ကြည်လင်တဲ့ကောင်းကင်ကို မသိတော့ဘူး။
စာတစ်စောင်မှ လက်ခံမရကတည်းက
ငါ , ဘာသတင်းကိုမှ မရတော့ဘူး။
ငါ့မျက်လုံးအမြင်ကွယ်ကတည်းက
ငါ့အတွက် ပန်းပွင့်တွေနဲ့ မန်းကလေးတွေဆိုတာ
ဝိုးတ၀ါးအရာတွေသာ ဖြစ်တယ်။
ဒါပေမယ့်
အခုထက်တိုင် ငါ အသက်ရှင်သန်နေနိုင်တာကေတာ့
အေးမြတဲ့လေနဲ့ ၊မြေကြီးရဲ့ရနံ့ကို
ငါ သိနေသေးလို့ပါပဲ ။ ။
(အာကီးဒါး)
မြန်မာပြန်-သစ္စာနီ
###################
No comments:
Post a Comment